بشریٰ بی بی نے بتایا ڈاکٹروں نے پروسیجر تجویزکیا ورنہ عمران خان کی آنکھ ضائع ہونے کا خدشہ تھا، بیرسٹر گوہر

چیئرمین پی ٹی آئی کی بیان

(ڈیلی پاکستان آن لائن) چیئرمین پی ٹی آئی بیرسٹر گوہر کا کہنا ہے کہ انہیں بشریٰ بی بی نے بتایا ہے کہ ڈاکٹروں نے پروسیجر تجویز کیا، ورنہ عمران خان کی آنکھ ضائع ہونے کا خدشہ تھا۔

یہ بھی پڑھیں: مذاکرات کی راہ میں اصل رکاوٹ خود بانی پی ٹی آئی ہیں، رانا ثنا اللہ

خواتین کی ملاقات کا احوال

بانی پی ٹی آئی عمران خان کی اہلیہ بشریٰ بی بی کی بیٹی مبشرہ شیخ اور بھابی مہرالنساء نے اڈیالہ جیل میں بشریٰ بی بی سے ملاقات کی۔ دونوں خواتین نے ملاقات کے بعد بشریٰ بی بی کا پیغام بیرسٹر گوہر کو پہنچا دیا۔ اڈیالہ جیل کے باہر میڈیا سے گفتگو میں بیرسٹر گوہر کا کہنا تھا کہ آج 3 ماہ بعد بشریٰ بی بی کی فیملی کو ملاقات کی اجازت ملی، بشریٰ بی بی کے ساتھ فیملی کی ملاقات میں بانی پی ٹی آئی موجود نہیں تھے۔

یہ بھی پڑھیں: دبئی ائیر شو میں انڈین ایئرفورس کا طیارہ تباہ، بھارتی ایروناٹکس کمپنی کے شیئرز گر گئے

بشریٰ بی بی کی صحت کی معلومات

بیرسٹر گوہر نے بتایا کہ بشریٰ بی بی نے بانی پی ٹی آئی کو ہسپتال لے جانے کی تصدیق کی ہے، ملاقات صرف بشریٰ بی بی سے ہوئی ہے، 8 فروری سے متعلق یا سیاسی گفتگو نہیں ہوئی۔ ان کا کہنا تھا کہ میرے پاس بشریٰ بی بی کے دو پیغام آئے ہیں، بشریٰ بی بی نے بتایا بانی پی ٹی آئی کی آنکھ میں شدید تکلیف تھی، ڈاکٹروں نے تجویز کیا کہ ان کا پمز ہسپتال جانا ضروری ہے۔

یہ بھی پڑھیں: یہ ضمنی انتخاب ریفرنڈم تھا جو ن لیگ نے جیت لیا، مریم نواز

عمران خان کی طبیعت کے بارے میں تفصیلات

بشریٰ بی بی نے بتایا کہ بانی پی ٹی آئی کی طبیعت پہلے سے قدرے بہتر ہے۔ ایک سوال کے جواب میں بیرسٹر گوہر کا کہنا تھا کہ عمران خان اپنی مرضی سے اور ڈاکٹروں کے مشورے پر ہسپتال گئے تھے۔ وہ مزید کہتے ہیں کہ بشریٰ بی بی نے بتایا ہے کہ بانی پی ٹی آئی کی ابھی ٹریٹمنٹ ہو رہی ہے، اور ڈاکٹروں نے پروسیجر تجویز کیا، ورنہ آنکھ ضائع ہونے کا خدشہ تھا۔

یہ بھی پڑھیں: امریکا نے ایران پر نئی پابندیاں عائد کردیں

ملاقاتوں کے معاملات اور سیاسی گفتگو

چیئرمین پی ٹی آئی کا کہنا تھا کہ بانی پی ٹی آئی سے میری کوئی ملاقات نہیں ہو رہی، ملاقاتوں پر سیاست نہیں ہونی چاہیے۔ فیملی کی ملاقات ہر صورت ہونی چاہیے، آج فیملی کی ملاقات ہو گئی تو کچھ تسلی ہوئی۔ انہوں نے سوال کیا کہ کہاں لکھا ہوا ہے کہ آپ سیاسی گفتگو نہ کریں؟ پہلے کیا جیل میں باقی لیڈرز نہیں رہے؟

قانون کی عدم مساوات کی بات

بیرسٹر گوہر نے مزید کہا کہ ایک پارٹی کے لیے ایک قانون اور دوسری کے لیے دوسرا قانون ہے۔ جتنی ملاقات کو روکیں گے اتنے مسائل جنم لیں گے۔ انہوں نے یہ بھی کہا کہ ترکیے سے آنے والی پیش کش ہمارے علم میں نہیں، بانی پی ٹی آئی نے کہا تھا کہ ان کا جینا اور مرنا اس ملک میں ہے۔