وزیراعلیٰ مریم نواز نے ڈی ایس این جی اینڈ اوبی وین پراجیکٹ کا باقاعدہ افتتاح کر دیا، اوبی وین کا معائنہ بھی کیا

پنجاب میں نئی ٹیکنالوجی کا آغاز

لاہور (ڈیلی پاکستان آن لائن) محکمہ تعلقات عامہ پنجاب نے پہلی ڈی ایس این جی اینڈ او بی وین لانچ کر دی ہے۔ وزیراعلیٰ پنجاب مریم نواز نے ڈی ایس این جی اینڈ او بی وین پراجیکٹ کا باقاعدہ افتتاح کیا اور اس کا معائنہ بھی کیا۔ وزیراعلیٰ مریم نواز نے ڈی ایس این جی اینڈ او بی وین پراجیکٹ کے سٹاف سے ملاقات کی۔

یہ بھی پڑھیں: امریکہ سے سیلاب متاثرین کے لیے امدادی سامان پاکستان پہنچ گیا

پراجیکٹ کی اہم تفصیلات

صوبائی وزیر اطلاعات و ثقافت عظمیٰ بخاری نے ڈی ایس این جی اینڈ او بی وین پراجیکٹ پر تفصیلی بریفنگ دی۔ انہوں نے بتایا کہ یہ وین پنجاب بھر میں ہائی کوالٹی لائیو نیوز کوریج اور آؤٹ ڈور براڈ کاسٹنگ کے لئے استعمال ہوگی۔ اس وین میں پہلی مرتبہ ایڈوانس آرٹی فیشل انٹیلی جنس آڈیو ویڈیو ٹرانسمیشن سسٹم انسٹال کیا گیا ہے۔ جدید ترین ڈی ایس این جی اینڈ او بی وین کے ذریعے بلارکاوٹ، سیٹلائٹ اپ لنک اور براڈ کاسٹنگ ممکن ہوگی۔

موبائل لائیو سٹریمنگ اور فیلڈ بیسڈ پروڈکشن

بریفنگ میں مزید بتایا گیا کہ ڈی ایس این جی اینڈ او بی وین کو موبائل لائیو سٹریمنگ اور فیلڈ بیسڈ پروڈکشن پوسٹ کے لئے بھی استعمال کیا جائے گا۔ ڈی جی پی آر میں ڈی ایس این جی اینڈ او بی وین کے لئے گراؤنڈسٹیشن فنکشنل کر دیا گیا ہے۔ اس منصوبے میں اے آئی پاورڈ ڈرون بھی شامل کیے جا سکیں گے۔