علیمہ خان کی جانب سے دھرنا ختم کرنے کا مشعال یوسفزئی کا بیان لغو اور جھوٹ پر مبنی ہے، سلمان اکرم راجہ نے کارروائی کا فیصلہ سنادیا

پی ٹی آئی کا دھرنا ختم کرنے کا فیصلہ

راولپنڈی (آئی این پی) پی ٹی آئی نے سینیٹر مشعال یوسفزئی کے خلاف اڈیالہ جیل کے باہر دھرنا ختم کرنے کے معاملے پر کارروائی کا فیصلہ کیا ہے۔

یہ بھی پڑھیں: 1965ء کی جنگ کے ہیرو میجر عزیز بھٹی کا آج 60 واں یوم شہادت منایا جا رہا ہے

سلمان اکرم راجہ کا بیان

سیکریٹری جنرل پی ٹی آئی سلمان اکرم راجہ نے میڈیا سے گفتگو میں کہا کہ اڈیالہ جیل کے باہر عمران خان کی بہن علیمہ خان کی جانب سے دھرنا ختم کرنے کی بات جھوٹ تھی۔ مشعال یوسفزئی کا یہ بیان لغو اور جھوٹ پر مبنی ہے۔ جو جھوٹ بولتا ہے اسے اس کا حساب دینا ہوگا۔

یہ بھی پڑھیں: تحریک انصاف کے 3 ارکان قومی اسمبلی کی ضمانت کی درخواستیں خارج

مشعال یوسفزئی کی بازپرس

سلمان اکرم راجہ نے واضح کیا کہ مشعال یوسفزئی سے 8 فروری کے احتجاج کے بعد بازپرس ہوگی۔ عمران خان کی بہنیں اپنے بھائی کیلئے خلوص کا حصار ہیں۔ اگر کوئی شخص جھوٹ بولتا ہے تو کیسے بانی پی ٹی آئی کا وفادار ہو سکتا ہے؟

یہ بھی پڑھیں: لیسکو کی جانب سے ریکوری کے عمل میں تیزی، 283 نادہندگان سے کتنے واجبات وصول کر لیے گئے۔ جان کر آپ حیران رہ جائیں

وزیر اعظم اور وزیر اعلی خیبر پختونخوا کی ملاقات کا ذکر

وزیر اعظم اور وزیر اعلی خیبر پختونخوا کی ملاقات پر تبصرہ کرتے ہوئے سلمان اکرم راجہ نے کہا کہ شہباز شریف اور سہیل آفریدی کے درمیان کیا گفتگو ہوئی ابھی علم نہیں۔ سہیل آفریدی سے ملاقات ہوگی، وہ اپنے موقف پر کھڑے ہیں کہ 4 ارب جو ملے وہ آپریشن کیلئے نہیں ہیں۔

عمران خان کے مقدمات کے حوالے سے موقف

عمران خان کے مقدمات کے حوالے سے ان کا کہنا تھا کہ بانی پی ٹی آئی کے تمام مقدمات لڑے جا رہے ہیں، جہاں سے انصاف کی امید نہیں وہاں بھی مقدمے لڑ رہے ہیں۔