علیمہ خان کی جانب سے دھرنا ختم کرنے کا مشعال یوسفزئی کا بیان لغو اور جھوٹ پر مبنی ہے، سلمان اکرم راجہ نے کارروائی کا فیصلہ سنادیا

پی ٹی آئی کا دھرنا ختم کرنے کا فیصلہ

راولپنڈی (آئی این پی) پی ٹی آئی نے سینیٹر مشعال یوسفزئی کے خلاف اڈیالہ جیل کے باہر دھرنا ختم کرنے کے معاملے پر کارروائی کا فیصلہ کیا ہے۔

یہ بھی پڑھیں: کے پی کابینہ نے آپریشن کی منظوری دی تھی، نقل مکانی کے پروسیجر کے لیے 5 ارب مختص کیے گئے، ثمر ہارون بلور

سلمان اکرم راجہ کا بیان

سیکریٹری جنرل پی ٹی آئی سلمان اکرم راجہ نے میڈیا سے گفتگو میں کہا کہ اڈیالہ جیل کے باہر عمران خان کی بہن علیمہ خان کی جانب سے دھرنا ختم کرنے کی بات جھوٹ تھی۔ مشعال یوسفزئی کا یہ بیان لغو اور جھوٹ پر مبنی ہے۔ جو جھوٹ بولتا ہے اسے اس کا حساب دینا ہوگا۔

یہ بھی پڑھیں: ترکی بحری جہاز خیر سگالی دورے پر کراچی پہنچ گیا

مشعال یوسفزئی کی بازپرس

سلمان اکرم راجہ نے واضح کیا کہ مشعال یوسفزئی سے 8 فروری کے احتجاج کے بعد بازپرس ہوگی۔ عمران خان کی بہنیں اپنے بھائی کیلئے خلوص کا حصار ہیں۔ اگر کوئی شخص جھوٹ بولتا ہے تو کیسے بانی پی ٹی آئی کا وفادار ہو سکتا ہے؟

یہ بھی پڑھیں: سپریم کورٹ میں کل اہم مقدمات سماعت کیلیے مقرر

وزیر اعظم اور وزیر اعلی خیبر پختونخوا کی ملاقات کا ذکر

وزیر اعظم اور وزیر اعلی خیبر پختونخوا کی ملاقات پر تبصرہ کرتے ہوئے سلمان اکرم راجہ نے کہا کہ شہباز شریف اور سہیل آفریدی کے درمیان کیا گفتگو ہوئی ابھی علم نہیں۔ سہیل آفریدی سے ملاقات ہوگی، وہ اپنے موقف پر کھڑے ہیں کہ 4 ارب جو ملے وہ آپریشن کیلئے نہیں ہیں۔

عمران خان کے مقدمات کے حوالے سے موقف

عمران خان کے مقدمات کے حوالے سے ان کا کہنا تھا کہ بانی پی ٹی آئی کے تمام مقدمات لڑے جا رہے ہیں، جہاں سے انصاف کی امید نہیں وہاں بھی مقدمے لڑ رہے ہیں۔