گٹر کا ڈھکن چوری، خریدنے اور بیچنے والوں کو قید کی سزا ہوگی، مریم نواز کا اعلان

وزیر اعلیٰ پنجاب کی نئی قانون سازی

لاہور(آئی این پی) وزیر اعلیٰ پنجاب مریم نواز نے کہا ہے کہ گٹر کا ڈھکن چوری کرنے، خریدنے اور بیچنے والوں کو قید اور جرمانے کی سزا ہوگی۔

یہ بھی پڑھیں: اہلکاروں پر تشدد کا مقدمہ: علیم خان اور شعیب صدیقی بری

قانون کی تفصیلات

جاری بیان کے مطابق مریم نواز نے کہا کہ پنجاب میں قانون لارہے ہیں کہ گٹر کا ڈھکن چوری کرنے، خریدنے اور بیچنے والوں کو ایک سے 10 سال قید ہوگی۔ انہوں نے کہا کہ اگر گٹر میں گِر کر کسی کی جان گئی تو لاکھوں روپے کا جرمانہ بھی ہوگا۔

حالیہ واقعہ

واضح رہے کہ چند روز قبل لاہور میں بھاٹی گیٹ پر داتا دربار کے قریب سیوریج لائن میں ایک خاتون اپنی 10 ماہ کی بچی کے ساتھ گر گئی تھی، جن کی لاشوں کو کئی گھنٹوں کی محنت کے بعد ریسکیو کیا گیا تھا۔