بورڈ نئے کرنسی نوٹوں کے ڈیزائنز کی منظوری دے چکا، وفاقی حکومت کی منظوری سے تمام کرنسی نوٹس تبدیل کیے جائیں گے، گورنر اسٹیٹ بینک جمیل احمد

نئے کرنسی نوٹوں کا ڈیزائن

اسلام آباد (ڈیلی پاکستان آن لائن) گورنر اسٹیٹ بینک جمیل احمد نے کہا ہے کہ اسٹیٹ بینک کا بورڈ نئے کرنسی نوٹوں کے ڈیزائنز کی منظوری دے چکا ہے۔ وفاقی حکومت کی منظوری سے تمام کرنسی نوٹس تبدیل کیے جائیں گے۔ نئے کرنسی نوٹ بہتر سیکیورٹی فیچرز اور نئی کلر اسکیم پر مشتمل ہوں گے، حکومت وفاقی کابینہ کی منظوری سے عمل درآمد کی مجاز ہے۔

یہ بھی پڑھیں: پی ٹی آئی کیخلاف توہین عدالت کیس ،سیکرٹری داخلہ نے جواب عدالت میں جمع کر ادیا

5 ہزار روپے کے نوٹ کا مستقبل

سما ٹی وی کے مطابق، سینیٹ کی قائمہ کمیٹی خزانہ کو دوران بریفنگ گورنر اسٹیٹ بینک نے کہا کہ 5 ہزار روپے مالیت کا کرنسی نوٹ ختم کرنے کی کوئی تجویز زیر غور نہیں ہے۔ چیئرمین ایف بی آر نے کہا کہ اگر 5 ہزار کا نوٹ ختم کرنے کی بات کی گئی تو مارکیٹ پر بہت بڑا اثر ہوگا۔

یہ بھی پڑھیں: لاہور؛سیوریج لائن میں گرنے والی 10ماہ کی بچی کی لاش مل گئی

جعلی نوٹوں کا معاملہ

چیئرمین کمیٹی سلیم مانڈوی والا نے ذکر کیا کہ اس کمیٹی میں 5 ہزار مالیت کے 3 جعلی نوٹ ڈپٹی گورنر اسٹیٹ بینک کو دیئے تھے، تاہم اس پر کوئی کارروائی نہیں ہوئی اور نہ ہی ہمیں نوٹ واپس کیے گئے۔ انہوں نے مزید کہا کہ 75 روپے والا نوٹ تو مارکیٹ میں استعمال ہی نہیں ہوتا، ایسے نوٹ بنائیں جو مارکیٹ میں چلیں۔

یہ بھی پڑھیں: آتش فشاں کے پھٹنے کی پیشگوئی کا نیا اور حیران کن طریقہ دریافت کرلیا گیا

پانڈا بانڈ کا اجراء

وزیر خزانہ محمد اورنگزیب نے یہ بھی کہا کہ پانڈا بانڈ رواں سال کی پہلی سہ ماہی میں جاری کیا جائے گا، جس کے اجراء کے حوالے سے بات چیت جاری ہے۔

یو اے ای سے قرض کا سوال

کمیٹی ارکان نے سوال کیا کہ کیا یو اے ای نے صرف ایک ماہ کیلئے قرض روک لیا ہے؟ اس پر سیکرٹری خزانہ نے کہا کہ ایسی بات نہیں ہے، یہ مناسب سوال نہیں ہے۔