فیلڈ مارشل نے مختلف اوقات میں ملاقاتیں کرچکے، پوری کوشش ہے ایران کا معاملہ بات چیت کے ذریعے حل ہو، وزیراعظم

وزیراعظم شہباز شریف کا ایران کے معاملے پر بیان

اسلام آباد (آئی این پی) وزیراعظم شہباز شریف نے کہا ہے کہ پوری کوشش ہے کہ ایران کا معاملہ بات چیت کے ذریعے حل ہو۔ ایران کی کشیدہ صورتحال میں پاکستان نے برادرانہ کردار ادا کیا۔ میں نے، نائب وزیراعظم اور فیلڈ مارشل نے مختلف اوقات میں ایرانی قیادت کے ساتھ ملاقاتیں کیں اور ٹیلیفون پر گفتگو ہوئی۔

یہ بھی پڑھیں: شادی سے پہلے فونز پر باتیں ہوئیں اور 2 بار باہر ملے، ثمینہ احمد کامنظر صہبائی سے شادی کی پیشکش سے متعلق دلچسپ انکشاف

خطے میں امن کی ضرورت

وزیراعظم شہباز شریف نے کابینہ کے اجلاس میں شریک وزرا سے خطاب کرتے ہوئے کہا کہ پوری کوشش ہے کہ ایران کا معاملہ بات چیت کے ذریعے حل ہو۔ ہم چاہتے ہیں کہ خطے میں منڈلاتے خطرات ختم ہوجائیں اور خطے میں دیرپا امن قائم ہو۔ انہوں نے مزید کہا کہ قطر، ترکیہ، مصر اور دیگر ممالک نے بھی ایران کے معاملے پر کوششیں کی ہیں۔

یہ بھی پڑھیں: چیئرمین سی ایم کمپلینٹ سیل کا فوری ایکشن، تلاشی کے نام پر معصوم بچوں کو تشدد کا نشانہ بنانے پر چاروں ڈولفن پولیس اہلکار معطل

دہشتگردی کے خلاف کارروائیاں

وزیراعظم نے بلوچستان میں فتنہ الخوارج کے حوالے سے بتایا کہ وہاں دہشت گرد حملے میں ہماری بہادر افواج نے بھرپور جواب دیا، جس کے نتیجے میں 180 دہشت گرد ہلاک ہوئے۔ انہوں نے کہا کہ اس دہشت گرد حملے میں 17 جوان اور 31 شہری شہید ہوئے۔

یہ بھی پڑھیں: سپریم کورٹ نے اسلم رئیسانی کے خلاف انتخابی عذرداری خارج کردی

شہداء کی قربانیوں کا ذکر

دہشتگردوں نے گوادر میں 5 بچوں اور خواتین کا قتل کیا۔ انہوں نے کہا کہ معرکہ حق میں دشمن کو شکست سے دو چار کیا گیا، اور نہتے شہریوں کو نشانہ بنانے والے انسان نہیں ہیں۔ ہمارے شہدا کی قربانیاں رنگ لائیں گی، اور دہشتگردی کا خاتمہ ہوگا۔

قوم کا عزم

شہباز شریف نے کہا کہ پوری قوم دہشتگردی کے خلاف سیسہ پلائی ہوئی دیوار بن کر کھڑی ہے۔ مزدوروں اور بچوں کے قتل پر پوری قوم افسردہ ہے۔