بھارت کے خلاف میچ کو لے کر حکومتی فیصلے کا احترام کرتے ہیں: سلمان آغا

سلمان علی آغا کا بیان

کولمبو (ڈیلی پاکستان آن لائن) قومی ٹی ٹوئنٹی کرکٹ ٹیم کے کپتان سلمان علی آغا نے کہا ہے کہ بھارت کے خلاف میچ سے متعلق فیصلہ حکومت نے کرنا ہے اور ہم حکومت کے فیصلے کا احترام کرتے ہیں۔

یہ بھی پڑھیں: اداکارہ میرب علی نے آخر کار عاصم اظہر سے علیحدگی پر خاموشی توڑ دی

پہلا ورلڈکپ اور پرجوش فضا

نجی ٹی وی چینل جیو نیوز کے مطابق ICC ٹی ٹوئنٹی ورلڈکپ سے متعلق کولمبو میں کپتانوں کی پریس کانفرنس میں سلمان علی آغا نے کہا کہ بطور کپتان یہ میرا پہلا ورلڈکپ ہے جس کے لیے میں بہت پرجوش ہوں اور امید ہے میری کپتانی میں ٹیم اچھا کھیل پیش کرے گی۔

یہ بھی پڑھیں: آج پوری قوم متحدہ طور پر اپنی مسلح افواج کی پشت پرہے اور وہ پاکستان کے دفاع اور سلامتی کی خاطر کسی قربانی سے دریغ نہیں کریں گے

حکومت کے فیصلے کا احترام

انہوں نے کہا کہ بھارت کے خلاف میچ سے متعلق فیصلہ حکومت نے کرنا ہے اور ہم حکومت کے فیصلے کا احترام کرتے ہیں، بھارت کے ساتھ میچ ہوگا یا نہیں اس کا اندازہ نہیں، جو حکومت کہے گی اس کے مطابق ہی چلیں گے۔ بنگلادیش ٹیم کا ورلڈکپ میں نہ ہونا افسوس ناک ہے۔

یہ بھی پڑھیں: پشاور ہائیکورٹ کا آئینی ترامیم کیخلاف درخواستوں پر لارجر بینچ تشکیل دینے کا عندیہ

اچھی کرکٹ کا سفر

سلمان علی آغا کا کہنا تھا کہ ہم ایشیا کپ کے بعد سے اچھا کھیل پیش کر رہے ہیں، پچھلے 6 ماہ سے اچھی کرکٹ کھیل رہے ہیں، اس مرتبہ ٹیم اچھا کھیل رہی ہے اور امید ہے کہ اچھی کارکردگی دکھائیں گے۔

یہ بھی پڑھیں: بھارتی جارحیت پر پاک فوج کے بھرپور جواب پر ہمارے سر فخر سے بلند ہیں: سلمان اکرم راجہ

سری لنکا کے بارے میں خیالات

قومی کپتان نے مزید کہا کہ سری لنکا میرے دوسرے گھر کی طرح ہے اور لوگ بہت اچھے اخلاق والے ہیں۔ سری لنکا جب بھی آکر کرکٹ کھیلی ہے، اچھا محسوس کیا ہے۔

یہ بھی پڑھیں: پنجاب؛ یومیہ اجرت پر جنگلوں میں کام کرنے والے مزدوروں کی ادائیگی کے لیے جدید نظام متعارف

کنٹرول میں نہ ہونےوالی چیزوں پر توجہ

ان کا کہنا تھا کہ ہم اس چیز پر زیادہ فوکس نہیں کر رہے ہیں جس کو ہم کنٹرول نہیں کر سکتے، ہم اچھی کرکٹ کھیلنے کی کوشش کریں گے اور ورلڈکپ میں کوئی ٹیم چھوٹی نہیں ہوتی۔ نیدر لینڈز کے خلاف میچ کی اچھی تیاری کر رہے ہیں۔

مہم کا آغاز

واضح رہے کہ ICC ٹی ٹوئنٹی ورلڈ کپ میں پاکستان ٹیم اپنی مہم کا آغاز 7 فروری سے نیدر لینڈز کے خلاف میچ سے کرے گی۔