بسنت کے دوران موٹرسائیکل بند، شہری فری ٹرانسپورٹ استعمال کریں: مریم اورنگزیب

بسنط فیسٹیول کے حوالے سے رہنمائی

لاہور (ڈیلی پاکستان آن لائن) سینئر صوبائی وزیر مریم اورنگزیب نے کہا ہے کہ بسنت فیسٹیول کے دوران شہری اپنے بچوں اور ماحول کے تحفظ کا خاص خیال رکھیں۔ اس دوران موٹرسائیکل پر پابندی ہوگی اور شہری فری ٹرانسپورٹ استعمال کریں۔

یہ بھی پڑھیں: کم عمری کی شادی کی ممانعت کا متنازعہ بل

ٹرانسپورٹ کے استعمال کے حوالے سے ہدایات

نجی ٹی وی چینل دنیا نیوز کے مطابق مریم اورنگزیب نے واضح کیا کہ بسنت کے دوران شہری کم سے کم گاڑیوں کو سڑکوں پر لائیں اور فری حکومتی ٹرانسپورٹ استعمال کریں تاکہ آلودگی میں مزید کمی لائی جا سکے۔ موٹرسائیکل پر پابندی ہوگی۔

یہ بھی پڑھیں: پنجاب کا 26-2025ء کیلئے 5335 ارب روپے کا بجٹ اسمبلی میں پیش

بسنط کے محفوظ اور منظم منانے کے اقدامات

ان کا کہنا تھا کہ ان تمام اقدامات کا مقصد بسنت کو محفوظ، منظم اور آلودگی سے پاک ماحول میں منانا ہے۔ جدید ٹیکنالوجی اور سائنسی ڈیٹا کی بنیاد پر سموگ کی صورتحال میں واضح بہتری آئی ہے جبکہ اے آئی بیسڈ مانیٹرنگ اور جی ایس میپنگ کے ذریعے آلودگی پر مؤثر کنٹرول کیا جا رہا ہے۔

یہ بھی پڑھیں: وزیراعظم کا انڈسٹری کے لیے بجلی کے ٹیرف میں 4روپے 4پیسے کمی کا اعلان

فضائی آلودگی میں بہتری

صوبائی حکومت نے کہا ہے کہ لاہور میں فضائی آلودگی کے حوالے سے نمایاں بہتری دیکھنے میں آ رہی ہے، جہاں ایئر کوالٹی انڈیکس (اے کیو آئی) 173 ریکارڈ کیا گیا ہے۔ یہ بہتری وزیراعلیٰ پنجاب مریم نواز شریف کے انسدادِ سموگ اقدامات اور عوامی تعاون کا نتیجہ ہے۔

یہ بھی پڑھیں: کراچی، گھر کے واٹر ٹینک سے خاتون کی لاش برآمد

آلودگی کنٹرول کا منصوبہ

انہوں نے کہا کہ حکومتی سیاسی عزم اور عوامی تعاون سے ماحولیاتی صورتحال بہتر ہوئی ہے جبکہ آلودگی کے اسباب کے خاتمے کے لیے جامع ملٹی سیکٹورل ایکشن پلان پر عملدرآمد جاری ہے۔ تمام صنعتی چمنیوں کی ای پی اے کے ذریعے 24 گھنٹے نگرانی کی جا رہی ہے۔

یہ بھی پڑھیں: کیا موٹرز کے پلانٹ سے 900 کار انجن چوری

سموگ کنٹرول اور نگرانی کی صورتحال

صوبائی وزیر نے بتایا کہ سموگ کنٹرول روم مکمل طور پر فعال ہے اور ڈرونز و سی سی ٹی وی کی مدد سے کڑی مانیٹرنگ جاری ہے۔ بھٹوں، صنعتی یونٹس اور گاڑیوں کے اخراج پر زیرو ٹالرنس پالیسی نافذ ہے اور خلاف ورزیوں پر قانونی کارروائیاں کی جائیں گی جبکہ فیلڈ ٹیمیں بھی مکمل طور پر متحرک ہیں۔

عوامی حفاظتی تدابیر

مریم اورنگزیب نے مزید کہا ہے کہ حکومت کا ہدف پورا سال بہتر اے کیو آئی برقرار رکھنا ہے۔ انہوں نے بزرگوں اور بیمار شہریوں کو احتیاطی تدابیر اختیار کرنے کی بھی ہدایت کی۔