ہر پاکستانی میں کشمیر کی محبت لہو بن کر دوڑتی ہے، قربانیاں رائیگاں نہیں جائیں گی :وزیر اعلیٰ مریم نواز

مریم نواز کا یومِ یکجہتی کشمیر پر پیغام

لاہور (ڈیلی پاکستان آن لائن) وزیرِاعلیٰ پنجاب مریم نواز نے یومِ یکجہتی کشمیر پر اپنے پیغام میں کہا ہے کہ ہر پاکستانی کے دل میں کشمیر کی محبت لہو بن کر دوڑتی ہے۔ جانوں کا نذرانہ دے کر حق خودارادیت کی شمع روشن رکھنے والے کشمیری شہداء کو خراجِ عقیدت پیش کرتے ہیں۔

یہ بھی پڑھیں: نہایت ہلکا، بے حد مضبوط، ویوو نے پاکستان میں X Fold5 متعارف کروا دیا

کشمیریوں کی قربانیاں اور عالمی ادارے

وزیراعلیٰ مریم نواز نے کہا کہ 7 دہائیوں سے بھارتی سفاکیت کا ڈٹ کر مقابلہ کرنے والے کشمیریوں کو سلام پیش کرتے ہیں۔ بھارتی بربریت نے جنت نظیر وادی کو جیل بنا دیا ہے۔ اقوام متحدہ اور دیگر عالمی ادارے کشمیر میں انسانی حقوق کی پامالی کے خلاف اپنا قانونی کردار ادا کریں۔ مسئلہ کشمیر کے پائیدار حل تک خطے میں پائیدار امن خواب ہی رہے گا۔ مظلوم کشمیریوں کی قربانیاں رائیگاں نہیں جائیں گی۔ پاکستان کشمیریوں کی سفارتی، سیاسی اور اخلاقی حمایت جاری رکھے گا۔

آزادی کا سورج

وزیراعلیٰ مریم نواز نے کہا کہ ہر عالمی فورم پر کشمیری عوام کے حق میں آواز بلند کرتے رہیں گے۔ ان شاء اللہ کشمیری عوام آزادی کا سورج جلد دیکھیں گے۔