وزیراعظم اور وزیراعلیٰ کے پی کی ملاقات کافی تناؤ والی رہی: مزمل اسلم

پشاور میں وزیراعظم اور وزیراعلیٰ کی ملاقات

پشاور(ڈیلی پاکستان آن لائن) مشیر خزانہ خیبرپختونخوا مزمل اسلم نے کہا ہے کہ وزیراعظم اور وزیراعلیٰ خیبرپختونخوا کی ملاقات کے دوران ایک دوسرے سے شکوے کیے گئے، ملاقات ایک گھنٹے پر مشتمل تھی اور کافی تناؤ والی رہی۔

یہ بھی پڑھیں: امریکا اور چین کے درمیان تجارتی معاہدہ ہوگیا

ملاقات کا مقصد

پشاور میں میڈیا سے گفتگو کرتے ہوئے انہوں نے کہا کہ ملاقات میں 95 فیصد بات چیت صوبے کے مسائل پر ہوئی جبکہ 5 فیصد سیاسی امور پر مرکوز رہی، وزیراعظم نے پورے تحمل کے ساتھ بات سنی اور وزیراعلیٰ نے مالی مسائل کے حوالے سے آگاہ کیا۔

یہ بھی پڑھیں: محلے کے بچوں کو بڑے فخر سے بتاتا میرے پاس ریل گاڑی بھی ہے۔ ایک دن یہ دیکھنے کے چکر میں کہ آخر یہ چلتی کیسے ہے، میں نے اس کا تیا پانچہ کر ڈالا۔

وزیراعلیٰ کی عدم شرکت پر تنقید

ان کا کہنا تھا کہ وزیراعظم نے وزیراعلیٰ سہیل آفریدی کی نیشنل ایشوز پر میٹنگ میں عدم شرکت پر تنقید کی، جس پر وزیراعلیٰ نے جواب دیا کہ وہ بانی پی ٹی آئی سے ملاقات نہ ہونے کی وجہ سے شامل نہیں ہو سکے۔

وفاقی حکومت کا رویہ

مزمل اسلم نے کہا کہ وفاق کے خیبرپختونخوا کے ساتھ سوتیلی ماں والے سلوک کے تاثر کو وزیراعظم نے غلط کہا، احسن اقبال اور وزیر خزانہ کو ہدایت کی کہ صوبے کے معاملات ترجیحی بنیادوں پر حل کیے جائیں۔