نیٹ میٹرنگ نظام کے مرحلہ وار خاتمے کی تیاریوں کا آغاز

پاکستان میں نیٹ میٹرنگ نظام کا خاتمہ

اسلام آباد (ڈیلی پاکستان آن لائن) پاکستان میں نیٹ میٹرنگ نظام کو مرحلہ وار ختم کرنے کی تیاریاں کرلی گئیں۔

یہ بھی پڑھیں: ایسے مرد، خواتین کی کمزوری ہوتے ہیں جو ۔ ۔ ۔ اداکارہ اریج چوہدری نے بھارتی صحافی کو انٹرویو میں دل کی بات بتادی

نئی ریگولیشنز کی تفصیلات

نجی ٹی وی چینل 24 نیوز کے مطابق نیٹ میٹرنگ ریگولیشنز 2025 کے مسودے پر نیپرا کل عوامی سماعت کرے گا۔ نئے سولر صارفین سے اضافی بجلی 26 کی بجائے تقریباً ساڑھے 11 روپے فی یونٹ میں خریدی جائے گی۔

نئی ریگولیشنز کے تحت سولر صارفین کے ساتھ معاہدوں کی مدت 7 سے کم کر کے 5 سال کی جائے گی جبکہ پے بیگ دورانیہ 2 سال سے بڑھا کر 5 سال کیا جائے گا۔

یہ بھی پڑھیں: سیاسی لیڈر یا جماعت پاکستان سے بڑی نہیں، سب کیساتھ فراخ دلی کا مظاہرہ کیا: عطا تارڑ

مالی فوائد میں کمی کا خدشہ

نیٹ بلنگ اور گراس میٹرنگ نظام متعارف کرانے کی تجویز بھی ہے جس کے نتیجے میں شمسی توانائی استعمال کرنے والے صارفین کے مالی فوائد میں بڑی کمی کا خدشہ ہے۔

نئی ریگولیشنز کے تحت شمسی صارفین کو حاصل اہم سہولت ختم ہو جائے گی، گرڈ کو فراہم بجلی کو ایک کے بدلے ایک بنیاد پر استعمال شدہ بجلی کے ساتھ ایڈجسٹ نہیں ہو سکے گی۔ نئی ریگولیشنز کے تحت صارفین گرڈ سے حاصل بجلی کے لیے مکمل قومی ٹیرف ادا کریں گے، اضافی شمسی بجلی نسبتاً کم مقررہ نرخ پر تقسیم کار کمپنیوں ڈسکوز کو فروخت کی جائے گی۔

یہ بھی پڑھیں: 27ویں آئینی ترمیم میں جسٹس منصور علی شاہ، جسٹس منیب اختر، جسٹس عائشہ ملک اور جسٹس اطہر من اللہ کو گھر بھیجنے کا جال تیار کر لیا گیا ہے، صحافی مطیع اللہ جان

ڈسکوز کا مؤقف

ڈسکوز کا مؤقف ہے کہ نیٹ میٹرنگ کے باعث گرڈ کے بنیادی ڈھانچے کے اخراجات کی وصولی متاثر ہو رہی ہے۔ حکومت اور ڈسکوز کا مؤقف ہے کہ نیٹ میٹرنگ کے باعث آمدن میں کمی واقع ہو رہی ہے۔

یہ بھی پڑھیں: جو وہ قرض رکھتے تھے جان پر، وہ حساب آج چکا دیا’ وزیر دفاع خواجہ آصف نے ایک شعر کے ذریعے دشمن کو اہم پیغام دیا

نیپرا کی تجویز

نیپرا نے شمسی صارفین کے لیے نیٹ میٹرنگ کی بجائے گراس میٹرنگ نظام کی سفارش کی ہے۔ نئی ریگولیشنز کے تحت بجلی کی خرید علیحدہ طور پر ریٹیل نرخوں پر کی جائے گی۔ نئے صارفین اپنی پیدا کردہ تمام بجلی ڈسکوز کو تقریباً ساڑھے 11 روپے فی یونٹ پر فروخت کریں گے۔

سی پی پی اے نے نیٹ میٹرنگ صارفین کو گرڈ پر اضافی بوجھ قرار دیا ہے۔ سی پی پی اے کے مطابق نیٹ میٹرنگ صارفین کی وجہ سے گرڈ صارفین پر اضافی بوجھ پڑتا ہے۔ نیپرا نے کہا تھا کہ سولر نیٹ میٹرنگ کی وجہ سے پروٹیکٹڈ صارفین بڑھ رہے ہیں۔

یہ بھی پڑھیں: کراچی، یونیورسٹی روڈ پر گاڑی میں فحش حرکت کی ویڈیو وائرل، ملزم گرفتار

نئے ٹیرف اور میٹرز

نئے ریگولیشنز کے مطابق نیٹ میٹرنگ صارفین کے لیے الگ الگ ٹیرف ہوں گے۔ نیپرا نیٹ میٹرنگ صارف کی پیداواری صلاحیت پر نظرثانی کر سکے گا۔ نیٹ میٹرنگ صارفین کے لیے بجلی کی فروخت اور خریداری کے لیے الگ الگ میٹرز ہوں گے۔ نیا نیٹ میٹرنگ صارف اپنی بجلی کسی دوسرے صارف کو فروخت نہیں کر سکے گا۔

آخری وضاحت

واضح رہے کہ مجوزہ نیٹ میٹرنگ ریگولیشنز کا اطلاق نئے نیٹ میٹرنگ صارفین پر ہو گا۔