اب یہی رہ گیا ہے کہ عثمان طارق اپنے گلے میں لکھ کر ڈال لیں میں کلیئر ہوں، سلمان آغا

سلیم علی آغہ کا بیان

اسلام آباد(ڈیلی پاکستان آن لائن)پاکستان ٹی ٹوئنٹی ٹیم کے کپتان سلمان علی آغہ نے کہا ہے کہ عثمان طارق کے ایکشن میں کوئی ایشو نہیں، بس اب یہی رہ گیا ہے کہ عثمان طارق اپنے گلے میں لکھ کر ڈال لیں کہ میں کلیئر ہوں۔ کولمبو میں پریس کانفرنس کرتے ہوئے سلمان علی آغہ نے کہا کہ عثمان طارق دو بار کلیئر ہو چکے ہیں، مجھے نہیں پتا ان کے ایکشن پر زیادہ بات کیوں ہو رہی ہے، عثمان طارق ہمارے لئے ایکس فیکٹر کی حیثیت رکھتے ہیں۔

یہ بھی پڑھیں: مریم نواز آٹا، پیاز، ٹماٹر، سبزیوں کی قیمتیں کم کرنے ہی آئی ہیں،

بابر اعظم کی اہمیت

انہوں نے کہا کہ بابر اعظم ان کنڈیشنز میں ہمارے لئے بہت اہم ہیں، وہ اپنے اسٹرائیک ریٹ کو بہتر بنانے پر کام مسلسل کر رہے ہیں۔ سلمان علی آغہ نے مزید کہا کہ ہمیں پہلے میچز کا دباو نہیں، سب میچز جیتنے کی کوشش کریں گے اور اگر ہم تینوں میچز جیتتے ہیں تو پھر ہمیں رن ریٹ کی زیادہ ضرورت نہیں۔

یہ بھی پڑھیں: فائز عیسیٰ کے خلاف لندن میں پی ٹی آئی کا احتجاج: ‘حملہ آوروں کے شناختی کارڈ بلاک اور پاسپورٹ منسوخ کرنے کا اعلان’

تیاری اور پرفارمنس

اپنی بات کو جاری رکھتے ہوئے قومی ٹیم کے کپتان نے کہا کہ ہم ہر میچ میں اپنا بہترین دینے کی کوشش کریں گے، ہماری تیاری بہت اچھی ہے، بس اب پلان پر کام کرنا ہے۔

یہ بھی پڑھیں: سندھ طاس معاہدہ، تاریخی حقائق اور بھارت کا مکروہ کردار

موسم اور کمبی نیشن

انہوں نے کہا کہ ہم نے چھ ماہ میں اچھی کرکٹ کھیلی ہے، موسم آپ کے کنٹرول میں نہیں ہے، ہم اس کا کچھ نہیں کر سکتے بس ہمارے ہاتھ میں پرفارمنس ہے جو ہم نے دینی ہے۔ ان کا کہنا تھا کہ جو کمبی نیشن اچھا ہوگا وہی رکھیں گے، ہمارا سارا فوکس کھیل پر ہے، کوشش کرتے ہیں کہ کھیل سے ہٹ کر بات نہ کریں۔