غیرملکی شہری آئے ہیں، بسنت کو محفوظ منائیں، دوسروں کو بھی محفوظ رکھیں:عظمیٰ بخاری

لاہور: زندہ دلوں کا شہر

لاہور( ڈیلی پاکستان آن لائن ) وزیر اطلاعات و ثقافت پنجاب عظمٰی بخاری نے کہا ہے کہ لاہور نے ایک بار پھر یہ ثابت کر دیا ہے کہ وہ زندہ دلوں کا شہر ہے جہاں خوشیوں اور ثقافتی رنگوں کو بھرپور انداز میں منایا جاتا ہے۔ وزیراعلیٰ پنجاب مریم نواز کے ایک اہم ثقافتی فیصلے نے عوام کے دل جیت لیے ہیں اور بسنت کی صورت میں لوگوں کو ان کی خوشیاں واپس ملی ہیں۔

یہ بھی پڑھیں: والد کے تایا اپنے بیٹے کو ملنے انجینئرنگ یونیورسٹی لاہور گئے، دھوتی کرتے میں ملبوس، ہاتھ میں دیسی گھی کی گڑوی، ہوسٹل پہنچتے تک مجھے جوتے پڑتے رہے

بسننت کا جشن

لاہور میں نہ صرف پورے پاکستان بلکہ دنیا کے مختلف ممالک سے اوورسیز پاکستانیوں اور غیرملکی شہریوں کی بڑی تعداد بسنت منانے کے لیے موجود ہے، جس سے شہر کا ماحول خوشگوار اور رنگین ہو گیا ہے۔ لاہور اور اس کا آسمان بسنت کے خوبصورت رنگوں میں رنگ چکا ہے۔

یہ بھی پڑھیں: جوئے کی غیر قانونی تشہیر کا مقدمہ، عروب جتوئی کی عبوری ضمانت میں توسیع

محفوظ جشن منانے کی اپیل

عظمٰی بخاری نے شہریوں سے اپیل کی کہ وہ بسنت کے تہوار کو محفوظ انداز میں منائیں اور دوسروں کی حفاظت کا بھی خیال رکھیں۔ انہوں نے واضح کیا کہ کوئی بھی موٹرسائیکل سوار سیفٹی راڈ کے بغیر سڑکوں پر نہ نکلے، جبکہ پولیس اور ضلعی انتظامیہ کی ٹیمیں ایس او پیز پر سختی سے عملدرآمد یقینی بنا رہی ہیں۔

یہ بھی پڑھیں: عراقی فضائیہ کے کمانڈر کی قیادت میں اعلیٰ سطحی دفاعی وفد کی پاک فضائیہ کے سربراہ ظہیر احمد بابر سدھو سے ملاقات

حفاظتی ہدایات اور مارکیٹ کی صورت حال

شہری صرف کیو آر کوڈ والی ڈور اور پتنگ استعمال کریں اور چھتوں پر پتنگ اڑانے والے افراد بھی تمام حفاظتی ہدایات اور ایس او پیز کے پابند ہیں۔ سپلائی میں اضافے کے باعث گڈی اور ڈور کی قیمتوں میں نمایاں کمی آئی ہے، جبکہ مزید سپلائی آنے سے قیمتوں میں مزید کمی متوقع ہے۔

منتظر خوشیوں کی امید

انہوں نے اس امید کا اظہار کیا کہ عوام ذمہ داری کا مظاہرہ کرتے ہوئے بسنت کی خوشیوں سے لطف اندوز ہوں گے اور ایک محفوظ و خوشگوار ماحول کو یقینی بنائیں گے۔