اسلام آباد واقعے میں ملوث دہشتگردوں کو جلد گرفتار کیا جائے گا، دشمن پاکستان کے امن، یکجہتی اور ترقی کو نقصان پہنچانا چاہتے ہیں: محسن نقوی

وزیر داخلہ کا بیان

اسلام آباد (ڈیلی پاکستان آن لائن) وزیر داخلہ محسن نقوی نے کہا ہے کہ اسلام آباد واقعے میں ملوث دہشت گردوں کو جلد گرفتار کیا جائے گا۔ انہوں نے یہ بھی کہا کہ دشمن پاکستان کے امن، یکجہتی اور ترقی کو نقصان پہنچانا چاہتے ہیں۔

یہ بھی پڑھیں: وزیراعلیٰ کا جھنگ اور تلہ گنگ کے قریب حادثات میں قیمتی انسانی جانوں کے ضیاع پر اظہار افسوس

دبئی سے واپسی اور امام بارگاہ کا دورہ

وزیر داخلہ محسن نقوی دبئی سے واپسی کے بعد اسلام آباد میں ترلائی امام بارگاہ پہنچے۔ وزیر داخلہ اور وزیر مملکت برائے داخلہ طلال چوہدری نے دھماکے میں شہید ہونے والوں کے بلندیٔ درجات کے لیے دعا کی اور ملک میں امن، مذہبی ہم آہنگی اور قومی یکجہتی کی بھی دعا کی۔

یہ بھی پڑھیں: فرعون کے مقبرے کو لٹیروں نے جی بھر کے لوٹا، جو اشیاء نہ لے جاسکے وہ برطانوی و فرانسیسی سائنسدانوں نے اپنے ملکوں کے عجائب گھروں میں پہنچا دیں

دھماکے کی جگہ کا معائنہ

اعلامیے کے مطابق، محسن نقوی نے خودکش دھماکے کی جگہ کا معائنہ کیا اور صورتحال کا جائزہ لیا۔ انہوں نے امام بارگاہ کے منتظمین سے ملاقات کرکے دہشت گرد حملے کی مذمت کی اور چیئرمین سی ڈی اے کو امام بارگاہ کی جلد مکمل بحالی کی ہدایت دی۔ انہوں نے آئی جی اسلام آباد کو واقعے کی مکمل تحقیقات کرنے کی بھی ہدایت کی۔

یہ بھی پڑھیں: پاکستان نے ہندو برادری کے افراد کو اپنی سرزمین میں داخلے سے روکنے کے الزامات کو مسترد کردیا

دہشت گردوں کی مذمت

وزیر داخلہ نے کہا کہ معصوم نمازیوں اور مساجد پر حملے کرنے والے خارجی سفاک درندے ہیں۔ انہوں نے یہ بھی کہا کہ پاکستان میں دہشت گردی کرنے والے عناصر کو غیر ملکی پشت پناہی حاصل ہے۔