بانی پی ٹی آئی کا ذاتی ڈاکٹرز سے چیک اپ کرانے کی درخواست خارج

انسداد دہشت گردی عدالت کا فیصلہ

راولپنڈی (ڈیلی پاکستان) انسداد دہشت گردی عدالت نے سابق وزیراعظم پاکستان اور بانی پی ٹی آئی عمران خان کی ذاتی معالجین سے میڈیکل چیک اپ کرانے کی درخواست خارج کر دی۔

یہ بھی پڑھیں: لاہور میں حفاظتی تار نہ لگانے والے موٹر سائیکل سواروں کے خلاف مقدمات درج

درخواست کی سماعت

انسدادِ دہشتگردی عدالت کے جج امجد علی شاہ نے درخواست پر سماعت کی، بانی پی ٹی آئی کے وکیل فیصل ملک ایڈووکیٹ عدالت میں پیش ہوئے۔

یہ بھی پڑھیں: لاہور سے دبئی جانے والی اماراتی ایئرلائن کی پرواز راستے سے واپس آگئی

وکیل کے دلائل

وکیل فیصل ملک نے دلائل دیتے ہوئے مؤقف اختیار کیا کہ سابق وزیراعظم نواز شریف کو بھی جیل میں ذاتی معالج سے علاج کی سہولت دی گئی تھی، بانی پی ٹی آئی بھی سابق وزیراعظم ہیں اور برابری کے سلوک کے مستحق ہیں۔

یہ بھی پڑھیں: Women’s T20 World Cup: Pakistan and India Teams Face Off, Match Timing Revealed

اڈیالہ جیل کی صورتحال

وکیل فیصل ملک نے کہا کہ اڈیالہ جیل میں آنکھوں کی بیماری کے علاج کا انتظام بھی نہیں ہے، بانی پی ٹی آئی انڈر ٹرائل قیدی ہیں، ذاتی معالج سے چیک اپ حق ہے، قانون کے مطابق علاج سے قبل بانی کے اہلخانہ کو آگاہ کرنا ضروری ہے۔

عدالت کا فیصلہ

عدالت نے فریقین کے دلائل سننے کے بعد درخواست خارج کرنے کا فیصلہ سنا دیا۔