کوئٹہ سمیت بلوچستان کے مختلف علاقوں میں اتوار کے روز بارش اور ژالہ باری کا امکان

بارش اور ژالہ باری کا امکان

کوئٹہ (ڈیلی پاکستان آن لائن) صوبائی دارالحکومت سمیت بلوچستان کے مختلف علاقوں میں اتوار کے روز بارش اور ژالہ باری کا امکان ہے۔

یہ بھی پڑھیں: وزیر اعلیٰ پنجاب سے 2 ارکان اسمبلی کی ملاقات، عوامی مسائل اور پارٹی امور پر گفتگو

نیا موسمی سسٹم

محکمہ موسمیات کے مطابق بارش لانے والا نیا سسٹم اتوار کو صوبے میں داخل ہو سکتا ہے، جس کے تحت خضدار، چاغی، واشک، سوراب، نوشکی اور مستونگ میں ہلکی بارش متوقع ہے۔

یہ بھی پڑھیں: نواز شریف اور وزیرِ اعلیٰ پنجاب مریم نواز سے ایرانی سفیر رضا امیری مقدم کی اہم ملاقات

مختلف شہروں میں موسمی حالات

کوئٹہ، پشین، چمن، لورالائی، قلعہ سیف اللہ، قلعہ عبداللہ اور ژوب میں بھی ہلکی بارش جبکہ گوادر، کیچ، پنجگور، خضدار، قلات اور خاران میں بارش کے ساتھ ژالہ باری کی توقع ہے۔

پہاڑی علاقوں میں برف باری

محکمہ موسمیات کا کہنا ہے کہ چمن، پشین، قلعہ عبداللہ، قلعہ سیف اللہ اور زیارت کے پہاڑوں پر بھی کل رات ہلکی برف باری ہو سکتی ہے۔