کوئٹہ سمیت بلوچستان کے مختلف علاقوں میں اتوار کے روز بارش اور ژالہ باری کا امکان
بارش اور ژالہ باری کا امکان
کوئٹہ (ڈیلی پاکستان آن لائن) صوبائی دارالحکومت سمیت بلوچستان کے مختلف علاقوں میں اتوار کے روز بارش اور ژالہ باری کا امکان ہے۔
یہ بھی پڑھیں: بابر اعظم بی بی ایل کا ڈیبیو میچ یادگار نہ بنا سکے
نیا موسمی سسٹم
محکمہ موسمیات کے مطابق بارش لانے والا نیا سسٹم اتوار کو صوبے میں داخل ہو سکتا ہے، جس کے تحت خضدار، چاغی، واشک، سوراب، نوشکی اور مستونگ میں ہلکی بارش متوقع ہے۔
یہ بھی پڑھیں: پاکستان ٹی ٹوئنٹی ورلڈ کپ میں شرکت کرے گا لیکن انڈیا کے خلاف میچ بنگلہ دیش سے یکجہتی کی وجہ سے نہیں کھیلے گا، نجی ٹی وی کا دعویٰ
مختلف شہروں میں موسمی حالات
کوئٹہ، پشین، چمن، لورالائی، قلعہ سیف اللہ، قلعہ عبداللہ اور ژوب میں بھی ہلکی بارش جبکہ گوادر، کیچ، پنجگور، خضدار، قلات اور خاران میں بارش کے ساتھ ژالہ باری کی توقع ہے۔
پہاڑی علاقوں میں برف باری
محکمہ موسمیات کا کہنا ہے کہ چمن، پشین، قلعہ عبداللہ، قلعہ سیف اللہ اور زیارت کے پہاڑوں پر بھی کل رات ہلکی برف باری ہو سکتی ہے۔
