پانچ ہزار روپے واپس مانگنے پر دوست کے ہاتھوں دوست قتل

چنیوٹ میں ادھار پر قتل

چنیوٹ(ڈیلی پاکستان آن لائن) پنجاب کے شہر چنیوٹ میں ادھار کی رقم واپس مانگنا جرم بن گیا جہاں 5 ہزار روپے واپس مانگنے پر دوست نے دوست کو ہی قتل کر دیا۔

یہ بھی پڑھیں: سیلاب متاثرین کے بجلی بلوں میں توسیع اور ریلیف کا اعلان

واقعے کی تفصیلات

نجی ٹی وی چینل ایکسپریس نیوز کے مطابق واقعہ تھانہ سٹی کے علاقے چاہ متو والا میں پیش آیا۔ مقامی پولیس نے اس واقعے کا مقدمہ درج کر لیا ہے اور ملزمان کی گرفتاری کے لیے چھاپے مارے جا رہے ہیں۔

یہ بھی پڑھیں: پاک، امریکہ تعلقات میں بڑا’’ ری سیٹ‘‘، بھارت کے ’’عالمی کھلاڑیوں‘‘ سے تعلقات متاثر، ساؤتھ ایشیا میں حقیقی’’ ریجنل اسٹیبلائزر ‘‘ کون۔۔؟ تہلکہ خیز رپورٹ

قتل کی وجہ

مقدمے کے متن کے مطابق محمد وقار نے اپنے دوست اسامہ کو پانچ ہزار روپے ادھار دیئے۔ جب محمد وقار نے ادھار کی رقم واپس مانگی تو اسامہ نے اپنے ساتھیوں کے ساتھ مل کر سنوکر کی گیند سے تشدد کیا۔

زخموں کی تاب نہ لاتے ہوئے وفات

محمد وقار کو شدید زخمی حالت میں الائیڈ ہسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔