پاکستان اے آئی میں عالمی سطح پر قدم رکھنے کے لئے تیار ہے: شہباز شریف

پاکستان کی نئی ٹیکنالوجی کی راہیں

اسلام آباد(ڈیلی پاکستان آن لائن) وزیرِ اعظم شہباز شریف کا کہنا ہے کہ پاکستان مصنوعی ذہانت کے شعبے میں عالمی سطح پر قدم رکھنے کے لیے تیار ہے۔

یہ بھی پڑھیں: افغان طالبان حکومت کے ڈپٹی ترجمان کا بیان اپنی ہولناک کارروائیوں کو چھپانے کی ناکام کوشش ہے: وزارت اطلاعات

انڈس آرٹیفیشل ٹیکنالوجی ویک

روزنامہ جنگ کے مطابق اسلام آباد میں انڈس آرٹیفیشل ٹیکنالوجی ویک کی تقریب سے خطاب کرتے ہوئے انہوں نے کہا کہ انڈس اے آئی ویک ایونٹ ملک کے ٹیکنالوجیکل منظر نامے کو بدل دے گا۔

یہ بھی پڑھیں: برطانوی ہائی کمشنر جین میریٹ کی مولانا فضل الرحمان سے ملاقات، خلیجی ریاستوں کی سیکورٹی صورتحال پر بات چیت

پاکستان کا عالمی کردار

شہباز شریف کا کہنا ہے کہ ایونٹ عالمی سطح پر پاکستان کو ایک مضبوط پارٹنر کے طور پر سامنے لائے گا، پاکستان مشترکہ راہ پر عزم اور جوش کے ساتھ قدم بڑھا رہا ہے۔
انہوں نے کہا کہ لاہور میں پہلا سیف سٹی منصوبہ اور پہلی آئی ٹی یونیورسٹی بھی قائم کی گئی ہے، لینڈ ریکارڈ میں اصلاحات سے کرپشن کا خاتمہ ممکن ہو گا۔

یہ بھی پڑھیں: پاک فوج میں جدید Z-10ME اٹیک ہیلی کاپٹر شامل کر لیا گیا

زمین کے ریکارڈ کی شفافیت

ان کا کہنا ہے کہ زمین کے ریکارڈ کی شفافیت کو یقینی بنایا گیا، ای اسٹامپ پیپر کا اجراء کر کے آمدن میں اضافہ کیا گیا، پاکستان کی 24 کروڑ آبادی میں 60 فیصد نوجوان ہیں۔

یہ بھی پڑھیں: وفاقی حکومت کا 23 مارچ کو پریڈ اور دیگر تقریبات نہ کرنے کا فیصلہ

نوجوانوں کی ترقی

وزیرِ اعظم نے مزید کہا کہ بطور وزیراعلیٰ پنجاب میں نے آئی ٹی کے شعبے پر توجہ دی، نوجوانوں کو جدید علم اور مہارتوں سے آراستہ کرنا وقت کی ضرورت ہے، اے آئی کے فوائد اور چیلنجز دونوں ہیں۔

جدید ٹیکنالوجی کا استعمال

شہباز شریف کا یہ بھی کہنا ہے کہ اسمگلنگ کی روک تھام کے لیے جدید اسکینرز اور آلات پورٹس پر نصب کیے گئے ہیں۔