کراچی: ٹریفک حادثات میں ضعیف خاتون اور نجی بینک کا منیجر جاں بحق

ٹریفک حادثات میں ہلاکتیں

کراچی(ڈیلی پاکستان آن لائن) شہر میں مختلف ٹریفک حادثات میں ایک ضعیف خاتون اور ایک نجی بینک کا منیجر ہلاک ہو گئے۔

یہ بھی پڑھیں: فیلڈ مارشل عاصم منیر کی ٹرمپ سے ملاقات پر بھارتی اینکر پالکی شرما تلملا اٹھی

گڈاپ سٹی میں حادثہ

نجی ٹی وی چینل ایکسپریس نیوز کے مطابق پیر کی صبح گڈاپ سٹی تھانے کے علاقے سپر ہائی وے، بقائی پل چشتیہ ہوٹل کے قریب ایک ٹریفک حادثے میں موٹر سائیکل سوار ایک شخص جاں بحق ہوگیا۔ متوفی کی لاش قانونی کارروائی کے لیے ایدھی ایمبولینس کے ذریعے عباسی شہید ہسپتال منتقلی کی گئی۔

یہ بھی پڑھیں: لاہور کے بڑے سرکاری ہسپتال میں شرمناک واقعہ، غیر تربیت یافتہ اور غیر متعلقہ شخص کے ہاتھوں خاتون کا پوسٹمارٹم

متوفی کی شناخت

متوفی کی شناخت 42 سالہ رمیز اختر حسین ولد اختر حسین کے نام سے ہوئی۔ وہ مکان نمبر آر باسٹھ، سیکٹر زیڈ 6 گلشن معمار کا رہائشی اور ملیر کینٹ کے قریب واقع نجی بینک کا منیجر تھا۔

یہ بھی پڑھیں: وزیراعلیٰ پنجاب مریم نواز سے نیوزی لینڈ کی سابق وزیراعظم جاسنڈا آرڈرن کی ملاقات

حادثے کی تفصیلات

ایس ایچ او گڈاپ سٹی سرفراز جتوئی کے مطابق، متوفی شخص کو ایک نامعلوم تیز رفتار گاڑی نے ٹکر مارا۔ جب موٹر سائیکل کو ٹکر لگی تو رمیز اختر سڑک پر گر گیا، اسی دوران ایک دوسری گاڑی نے اسے کچل دیا۔

یہ بھی پڑھیں: تمام کوآڈ کاپٹرز گرا دیے گئے، خوارج بھاگ کھڑے ہوئے، چن چن کر افغان طالبان رجیم کی پوسٹوں کو نشانہ بنایا جا رہا ہے، 22 کی ہلاکت کی مصدقہ اطلاعات : سیکیورٹی ذرائع

پولیس کی کاروائی

حادثے کے بعد دونوں گاڑیوں کے ڈرائیور موقع سے فرار ہوگئے۔ پولیس کے مطابق، حادثے کی سی سی ٹی وی فوٹیجز اور عینی شاہدین کے بیانات حاصل کیے جارہے ہیں، تاکہ حادثے کے ذمہ داروں کی گرفتاری ممکن ہو سکے۔

یہ بھی پڑھیں: 1971ء کی جنگ میں دشمن کو دھول چٹانے والے میجر شبیر شریف کا 54 واں یوم شہادت، فیلڈ مارشل عاصم منیر کا خراج عقیدت

کورنگی صنعتی ایریا میں حادثہ

ادھر، کورنگی صنعتی ایریا تھانے کے علاقے کورنگی ویٹا چورنگی اٹک پمپ کے قریب نامعلوم گاڑی کی ٹکر سے ایک راہ گیر ضعیف خاتون جاں بحق ہوگئی۔ انہیں قانونی کارروائی کے لیے جناح ہسپتال منتقل کیا گیا، جہاں متوفیہ خاتون کی شناخت 70 سالہ عائشہ زوجہ سرفراز کے نام سے ہوئی۔

متوفیہ کے حالات

ایس ایچ او ناصر محمود کے مطابق، متوفیہ خاتون نشے کی عادی تھیں اور سڑک کنارے فٹ پاتھ پر سو رہی تھیں جب ایک تیز رفتار نامعلوم گاڑی خاتون کے اوپر چڑھ گئی، جس کے نتیجے میں وہ موقع پر ہی جاں بحق ہوگئیں۔ گاڑی کا ڈرائیور بھی موقع سے فرار ہو گیا، جس کی تلاش جاری ہے۔