ملتان سلطانز کو ولی ٹیک نے 2 ارب 45 کروڑ روپے میں خرید کر نام تبدیل کر کے راولپنڈی رکھ دیا

ولی ٹیک کی جانب سے ملتان سلطانز کی خریداری

لاہور (ڈیلی پاکستان آن لائن) ملتان سلطانز کی فرنچائز کو ولی ٹیک نے 2 ارب 45 کروڑ روپے میں خرید لیا ہے، جس کے بعد ٹیم کا نام تبدیل کر کے راولپنڈی رکھ دیا گیا ہے۔

یہ بھی پڑھیں: پنجاب یونیورسٹی میں انسداد انتہا پسندی، شائستگی اور دیانت پر سیمینار، ڈاکٹر احمد جاوید قاضی، احمربلال صوفی اور دیگر مقررین کا خطاب

نیلامی کی تفصیلات

فرنچائز کی نیلامی لاہور میں منعقد ہوئی، جہاں مجموعی طور پر پانچ بڈرز نے حصہ لیا۔ ملتان کی ٹیم کے لیے بیس پرائس 182 کروڑ روپے مقرر کی گئی تھی، تاہم بولی کے اختتام پر یہ پی ایس ایل کی اب تک کی سب سے مہنگی فرنچائز بن کر سامنے آئی۔

یہ بھی پڑھیں: علی لاریجانی کی شہادت کے بعد ایران کی سپریم نیشنل سیکیورٹی کونسل کے نئے سربراہ کا اعلان کر دیا گیا

ولی ٹیک کا اعلان

ولی ٹیک کی انتظامیہ نے نیلامی کے فوراً بعد اعلان کیا کہ ٹیم آئندہ سیزنز میں راولپنڈی کے نام سے کھیلے گی۔

یہ بھی پڑھیں: میاں منظور احمد وٹو مرحوم کی رسم قل 19 دسمبر کو ان کے آبائی گاؤں میں ادا کی جائے گی

پی سی بی کی جانب سے پروپوزلز کی جانچ

پاکستان کرکٹ بورڈ کے مطابق مقررہ وقت میں مجموعی طور پر 6 پروپوزلز موصول ہوئے، جن کی شفاف اور تفصیلی جانچ کے بعد 5 بڈرز کو تکنیکی طور پر اہل قرار دے کر نیلامی میں شامل کیا گیا۔

سابق مالک کا انکار

واضح رہے کہ ملتان سلطانز کے سابق مالک علی ترین نے 10 سالہ ملکیتی معاہدے کی تجدید سے انکار کر دیا تھا، جس کے بعد پی سی بی نے فرنچائز کی نئی نیلامی کا فیصلہ کیا۔