ساہیوال: سی ٹی ڈی کی کارروائی، کالعدم تحریک طالبان فتنہ الخوارج کا کارندہ گرفتار

سی ٹی ڈی کی کارروائی

ساہیوال (ڈیلی پاکستان آن لائن) سی ٹی ڈی نے بروقت کارروائی کرتے ہوئے سائیوال سے کالعدم تحریک طالبان فتنہ الخوارج کا کارندہ گرفتار کر لیا۔

یہ بھی پڑھیں: شدت پسندی کی جو لہر طالبان اور ان کے ہم خیال نے اْٹھائی اس میں 50 ہزار کے لگ بھگ جانیں گئیں جن میں 95 فیصد سے زیادہ مسلمان تھے.

گرفتاری کی تفصیلات

نجی ٹی وی چینل دنیا نیوز کے مطابق کاؤنٹر ٹیررازم ڈیپارٹمنٹ (سی ٹی ڈی) پولیس نے یوسف والا ریلوے سٹیشن کے قریب کارروائی کرتے ہوئے کالعدم تنظیم تحریک طالبان فتنہ الخوارج کے ایک کارندے کو گرفتار کر لیا۔

یہ بھی پڑھیں: محکمہ موسمیات کی آج سے 19 ستمبر تک گرج چمک کے ساتھ بارش کی پیشگوئی

مضبوط ثبوت

سی ٹی ڈی حکام کے مطابق گرفتار ملزم کے قبضے سے نفرت انگیز بین مواد، کتابیں، لٹریچر، نقدی رقم اور میموری کارڈز برآمد کیے گئے ہیں، ملزم کالعدم تنظیم کی تشہیر اور لٹریچر کی تقسیم کے ذریعے عام شہریوں کو گمراہ کر رہا تھا۔

یہ بھی پڑھیں: فتنہ الہندوستان اور فتنہ الخوارج کو بیرونی فنڈنگ ہورہی ہے:وفاقی وزیر اطلاعات عطاءتارڑ

ملزم کی شناخت

حکام کا کہنا ہے کہ گرفتار دہشت گرد کی شناخت بلال کے نام سے ہوئی ہے جو تحصیل سرانان، ضلع پشین بلوچستان کا رہائشی ہے۔

قانونی کارروائی

سی ٹی ڈی حکام نے بتایا ہے کہ گرفتار ملزم کے خلاف انسدادِ دہشت گردی ایکٹ کے تحت مقدمہ درج کر لیا گیا ہے اور مزید تفتیش کے لیے اسے نامعلوم مقام پر منتقل کر دیا گیا ہے.