سانحہ گل پلازہ کیس میں اہم پیش رفت، جسٹس آغا فیصل کو انکوائری کمیشن مقرر کردیا گیا، نوٹیفکیشن جاری
آتشزدگی کیس میں بڑی پیشرفت
کراچی (ڈیلی پاکستان آن لائن) وزیر داخلہ سندھ کی ہدایت پر گل پلازہ آتشزدگی کیس میں اہم پیشرفت ہوئی ہے، باضابطہ نوٹیفکیشن جاری کردیا گیا ہے۔
یہ بھی پڑھیں: پی ٹی آئی والے اس بار اٹھائے گئے تو 2،3 ماہ پتا بھی نہیں چلے گا کہ کہاں گئے؟ سابق گورنر سندھ محمد زبیر
انکوائری کمیشن کا قیام
ہائی کورٹ کے جسٹس آغا فیصل کو سانحہ گل پلازہ کی تحقیقات کے لیے انکوائری کمیشن مقرر کردیا گیا۔ یہ کمیشن گل پلازہ کی تعمیراتی منظوری اور لیز کی قانونی حیثیت کی تحقیقات کرے گا۔
یہ بھی پڑھیں: شام تک بہت کھیلے، جذبات اس قدر عروج پر تھے کہ ہم دوپہر کا کھانا بھی بھلا بیٹھے، دور بیٹھی میری بیگم یہ بچگانہ حرکتیں دیکھ کر مسکرائے جا رہی تھی۔
تحقیقات کی تفصیلات
کمیشن بلڈنگ پلان کی خلاف ورزی اور ایمرجنسی انخلا میں رکاوٹوں کا تفصیلی جائزہ لے گا۔ وزیر داخلہ سندھ کی ہدایت پر آگ بجھانے کے انتظامات اور فائر سیفٹی آڈٹ کی کوتاہیوں کا تعین بھی کیا جائے گا۔
انکوائری کمیشن آگ لگنے کی وجوہات، حالات اور ریسکیو آپریشن کی رفتار کا معائنہ کرے گا۔ غفلت کے مرتکب سرکاری افسران اور بلڈنگ مینجمنٹ کے خلاف ذمہ داری فکس کرنے کی بھی ہدایت جاری کی گئی ہے۔
یہ بھی پڑھیں: ایک شخص قومی سلامتی کے لئے خطرہ بن چکا، یہ واضح ہے جو وہ چاہتا ہے وہ نہیں ہو سکتا : ڈی جی آئی ایس پی آر
کمیشن کی مدت
جسٹس آغا فیصل کی سربراہی میں انکوائری کمیشن 8 ہفتوں کے اندر اپنی تحقیقاتی رپورٹ مکمل کرے گا۔ کمشنر کراچی کو انکوائری کمیشن کے لیے تمام سیکرٹریٹ سپورٹ فراہم کرنے کا حکم دے دیا گیا ہے۔
متاثرین کی داد رسی
وزیر داخلہ سندھ کے مطابق حکومت سندھ متاثرین گل پلازہ کی داد رسی میں کسی قسم کی تاخیر نہیں کرے گی اور سخت اقدامات اور مؤثر تحقیقات کی بدولت حقائق منظر عام پر لائے جائیں گے۔
