گلگت بلتستان کے سیاسی رہنماؤں کی استحکام پاکستان پارٹی میں شمولیت

سیاسی رہنماؤں کی استحکام پاکستان پارٹی میں شمولیت

گلگت(ڈیلی پاکستان آن لائن) گلگت بلتستان کے سیاسی رہنماؤں نے استحکام پاکستان پارٹی میں شمولیت اختیار کرلی۔

یہ بھی پڑھیں: سعودی عرب واپسی پر رونالڈو کا ‘السلام وعلیکم’، ویڈیو وائرل

شمولیت کرنے والے رہنما

گلگت بلتستان کے سابق گورنر راجا جلال، سابق وزیراعلیٰ حاجی گلبرخان، سابق قائد حزب اختلاف کیپٹن(ر) شفیع، سابق وزراء فتح اللہ خان، حاجی شاہ بیگ، شمس اللہ حق، مولانا سلطان رئیس، اور سابق وزیردلشاد بانو نے استحکام پاکستان پارٹی میں شمولیت اختیار کی۔

یہ بھی پڑھیں: ڈیجیٹل کمیونٹی نمائندوں کا ای کامرس پر 18 فیصد ٹیکس واپس لینے کا مطالبہ

عبدالعلیم خان کی تقریب میں تقریر

نجی ٹی وی سما نیوز کے مطابق صدر استحکام پاکستان پارٹی عبدالعلیم خان نے پارٹی میں شمولیت پر مفلر پہنا کر خیرمقدم کیا۔ اس موقع پر انہوں نے کہا کہ گلگت بلتستان کی سیاست میں پہلی مرتبہ آئی پی پی شامل ہو رہی ہے۔ استحکام پاکستان پارٹی گلگت بلتستان میں ترقی کے لیے بھرپور کام کرے گی۔ آئی پی پی کا سب سے بڑا منشور ترقی، خوشحالی اور روزگار کی فراہمی ہے۔ مختلف جماعتوں کے ساتھ میرا رابطہ ہوا ہے، ان شاء اللہ جلد اس کی تفصیلات پیش کریں گے۔

گلگت بلتستان کی ترقی کے امکانات

عبدالعلیم خان نے مزید کہا کہ پوری پارٹی اپنے گلگت بلتستان کے بھائیوں کے ساتھ کھڑی ہوگی۔ پورے پاکستان سے ہمارے لوگ گلگت بلتستان کی الیکشن مہم میں شریک ہوں گے۔ گلگت بلتستان کے پاس اتنے وسائل ہیں کہ وہ وفاق کی مدد کر سکے، اور گلگت بلتستان سے اربوں ڈالر صرف سیاحت سے آسکتے ہیں۔ ہم ٹول پلازوں سے اربوں روپے کما سکتے ہیں۔