افغانستان سے دہشتگردی نہیں رک رہی، پاکستان رمضان سے قبل کارروائی کرسکتا ہے، خواجہ آصف نے عندیہ دیدیا

پاکستان کی ممکنہ کاروائیاں

اسلام آباد(آئی این پی ) وزیر دفاع خواجہ آصف نے عندیہ دیا ہے کہ میرا خیال ہے پاکستان رمضان سے پہلے دہشتگردوں کے خلاف کارروائی کر سکتا ہے۔ انہوں نے کہا کہ دہشتگردی کا سلسلہ افغانستان سے رک نہیں رہا اور اگر وہ صرف تماشائی ہیں تو شریک جرم ہیں۔ ایک انٹرویو میں وزیر دفاع نے کہا کہ حتمی وقت نہیں بتا سکتا لیکن یہی کہوں گا جتنا جلدی ہو رسپانس دینا پڑے گا۔

یہ بھی پڑھیں: اگر آپ فوجیوں کی قربانیوں کا مذاق اڑائیں گے تو کون پاکستان کی عزت کرے گا؟ وزیراعظم کا علماء کنونشن سے خطاب

دہشتگردی کے خلاف اقدام

خواجہ آصف نے کہا کہ تھرڈ پارٹیاں مذاکرات کر رہی ہیں۔ ان کو بھی احساس ہوگا کہ تاخیر کے نقصانات پاکستان کو اٹھانا پڑ رہے ہیں۔ وہ مزید کہتے ہیں کہ اگر افغانستان کے لوگ صرف تماشائی ہیں تو وہ شریک جرم ہیں۔ ہم بات کرنے کو بھی تیار ہیں لیکن ایسا نہیں ہو سکتا کہ دوسرے دن ان کے لوگ پاکستان میں حملہ کر دیں۔

یہ بھی پڑھیں: خیبرپختونخوا میں گڈ گورننس کا فقدان، پشاور ہائیکورٹ میں درخواست دائر

طالبان کے ساتھ روابط

خواجہ آصف نے کہا کہ افغان طالبان عبوری حکومت سے کسی نہ کسی طریقے سے رابطہ برقرار رہتا ہے۔ وہ کوئی تجویز نہیں دے رہے لیکن اگر کوئی واپس آنا چاہے یا کہیں اور بسانا چاہے تو پھر حل نکل سکتا ہے۔ افغان طالبان خود کہتے ہیں کہ وہ تحریری گارنٹی نہیں دے سکتے لیکن زبانی کہہ سکتے ہیں کہ وہ چاہتے ہیں خطے میں امن ہو۔ اگر تمام ممالک مل کر افغانستان کی گارنٹی دیں تو مالی امداد کا آپشن بھی طے ہو سکتا ہے۔

یہ بھی پڑھیں: بھارتی اداکار عمران ہاشمی ایکشن سین کے دوران زخمی ہوئے

سیاسی اور فوجی اداروں کا اتحاد

انہوں نے کہا کہ نواز شریف کی سیاست بذات خود ثبوت ہے کہ انہوں نے لمبا سفر طے کیا ہے۔ میاں صاحب کا 99، 93 میں سیاست پر جو اعتماد سامنے آیا وہ سب نے دیکھا۔ ہم نے اپنے اصولوں پر کوئی سمجھوتہ نہیں کیا۔ انہوں نے کہا کہ ملکی صورتحال میں فوج سویلین حکومت کو سپورٹ کر رہی ہے، اور میرے خیال میں یہ حکومت کا حصہ ہے۔ دہشتگردی کا مقابلہ کر رہے ہیں اور فوج کے جوان قربانیاں دے رہے ہیں۔ یہ واضح ہونا چاہیے کہ سیاسی اور ملٹری اداروں کو شانہ بشانہ دہشتگردی کا مقابلہ کرنا ہے۔ یہ دہشتگردی کے خلاف جنگ ہے اور ہم نے مل کر اسے جیتنا ہے۔

حکومت کا کردار

انہوں نے مزید کہا کہ حکومت بہترین انداز میں کام کر رہی ہے اور تمام صوبے ایک پیج پر آ رہے ہیں۔ کم از کم وفاق اور کے پی حکومت دہشتگردی کے خلاف ایک پیج پر ہوں، اس کے علاوہ دست و گریبان ہوتے رہیں گے۔