ٹی ٹوئنٹی ورلڈ کپ، ویسٹ انڈیز نے انگلینڈ کو شکست دے دی

ویسٹ انڈیز کی شاندار فتح

ممبئی (ڈیلی پاکستان آن لائن) آئی سی سی مینز ٹی ٹوئنٹی ورلڈکپ میں ویسٹ انڈیز نے انگلینڈ کو با آسانی 30 رنز سے شکست دے کر دوسری ٹیموں کے لیے خطرے کی گھنٹی بجا دی۔

یہ بھی پڑھیں: پب جی گیم سے متاثر ہوکر گھر والوں کو قتل کرنے والے ملزم کو 100 سال قید کا حکم

میچ کا خلاصہ

ممبئی میں کھیلے گئے گروپ سی کے میچ میں انگلینڈ نے ٹاس جیت کر ویسٹ انڈیز کو پہلے بیٹنگ کی دعوت دی۔ ویسٹ انڈیز نے ردفورڈ کی جارحانہ اننگز کی بدولت مقررہ 20 اوورز میں 6 وکٹوں پر 196 رنز اسکور کیے۔ ردفورڈ نے 42 گیندوں پر 76 رنز کی ناقابل شکست اننگز کھیلی جبکہ جیسن ہولڈر نے 33، روسٹن چیز نے 34، اور ہٹ مائر نے 23 رنز بنائے۔ انگلینڈ کی طرف سے اوورٹن اور عادل رشید نے 2،2 وکٹیں حاصل کیں۔

یہ بھی پڑھیں: بنگلہ دیش: سابق پولیس سربراہ کا انسانیت کے خلاف جرائم کا اعتراف، حسینہ واجد پر فرد جرم عائد

انگلینڈ کی بیٹنگ

ویسٹ انڈیز کے 197 رنز کے ہدف کے جواب میں انگلش ٹیم 19 اوورز میں 166 رنز بنا کر آؤٹ ہوگئی۔ سیم کرن 43 رنز بنا کر نمایاں بیٹر رہے جبکہ جوس بٹلر نے 21، فل سالٹ نے 30 اور جیکب بیتھل نے 33 رنز بنائے۔ ویسٹ انڈیز کی جانب سے گڈاکیش موتی نے 3 جبکہ روسٹن چیز نے 2 وکٹیں حاصل کیں۔ اس طرح ویسٹ انڈیز نے انگلینڈ کو با آسانی 30 رنز سے شکست دے کر ایونٹ میں مسلسل دوسری جیت اپنے نام کی۔

ویسٹ انڈیز کی کامیابیاں

اس سے قبل ویسٹ انڈیز نے اپنے پہلے میچ میں اسکاٹ لینڈ کو شکست دی تھی۔