کچے میں آپریشن، ہلاک ڈاکوؤں کی تعداد 27 ہوگئی

آپریشن کی تفصیلات

گھوٹکی (ڈیلی پاکستان آن لائن) سندھ کے کچے کے علاقے میں جاری آپریشن کے دوران ہلاک ہونے والے ڈاکوؤں کی تعداد 27 ہو گئی ہے۔ اس کے ساتھ ہی 82 افراد زخمی ہوئے ہیں اور 78 کو گرفتار کیا گیا ہے۔

یہ بھی پڑھیں: بین الپارلیمانی سپیکرز کانفرنس، وفود اسلام آباد پہنچ گئے

سندھ کے وزیر داخلہ کی بریفنگ

وزیر داخلہ سندھ ضیاء الحسن لنجار کو کچے کے دورے کے دوران پولیس حکام نے بریفنگ دیتے ہوئے بتایا کہ اب تک 152 ڈاکو ہتھیار ڈال چکے ہیں، جبکہ 17 مغویوں کو بازیاب کروایا گیا ہے۔

ریاستی رِٹ قائم کرنے کی کوششیں

’’جنگ‘‘ کے مطابق، رونتی میں قائم بند کے دورے پر گفتگو کرتے ہوئے ضیاء لنجار نے کہا کہ جو سرینڈر نہیں کرے گا، وہ مارا جائے گا۔ کچے میں ریاستی رِٹ قائم کرنے کے لیے میگا آپریشن ’’نجاتِ مہران‘‘ بھرپور قوت سے جاری ہے، اور جلد ڈاکوؤں کو بڑا سرپرائز دیا جائے گا۔