گھوٹکی: لاہور سے کراچی جانے والی پاک بزنس ٹرین بڑے حادثے سے بچ گئی

گھوٹکی میں پاک بزنس ایکسپریس کا حادثہ سے بچنا

گھوٹکی(ڈیلی پاکستان آن لائن) گھوٹکی میں لاہور سے کراچی جانے والی پاک بزنس ایکسپریس حادثے سے بال بال بچ گئی۔ دو بوگیوں کو جوڑنے والا ہُک ٹوٹ گیا جس پر مسافر ٹرین کو روک لیا گیا اور امدادی ٹیم روانہ کردی گئی۔

یہ بھی پڑھیں: اگر بیگم جاکر بانی پی ٹی آئی کوکچھ کھلا پلا دیں تو ریاست ذمہ دار نہیں ہوگی، سابقہ شوہر نے ہماری حکومت میں اربوں روپے کمائے: فیصل واوڈا

حادثے کی تفصیلات

نجی ٹی وی سما نیوز کے مطابق، لاہور سے کراچی جانے والی پاک بزنس ٹرین حادثے سے بال بال بچ گئی۔ واقعہ میرپورماتھیلو اور گھوٹکی کے درمیان بوگی نمبر دس میں پیش آیا جہاں اگلی بوگی سے علیحدہ ہو گئی۔ بوگی کا ہُک ٹوٹنے کی وجہ سے کوچ دوسری بوگی سے الگ ہوئی۔ واقعے کے بعد ٹرین کو فوری طور پر روک لیا گیا۔

یہ بھی پڑھیں: وزیرِ اعظم شہباز شریف کا آذربائیجان کے صدر الہام علیوف سے ٹیلیفونک رابطہ، اہم امور پر گفتگو، آرمینیا امن معاہدے پر مبارکباد دی

مسافروں کا مطالبہ

مسافروں نے مطالبہ کیا کہ ٹرین کو جلد روانہ کرنے کے لیے فوری اقدامات کیے جائیں۔ اس نوعیت کے واقعات جان لیوا ثابت ہوسکتے ہیں، ریلوے حکام کو خصوصی توجہ دینی چاہیے۔

ریلوے حکام کی جانب سے بیان

ریلوے حکام کا کہنا ہے کہ مرمتی کام مکمل کرنے کے بعد ٹرین کو روانہ کر دیا جائے گا۔ مرمتی کام کے لئے ٹیم روانہ کردی گئی۔