ٹاک ٹو سی ایم۔۔۔ وزیراعلیٰ تک خیالات پہنچانے کیلئے خصوصی پورٹل قائم ،نوجوان اپنا نام اورمختصر معلومات کیساتھ آئیڈیاز بھی شیئر کرسکیں گے

خصوصی پورٹل کا قیام

لاہور (ڈیلی پاکستان آن لائن) پنجاب میں پہلی مرتبہ وزیراعلیٰ تک خیالات پہنچانے کے لیے خصوصی پورٹل قائم کیا گیا ہے۔ 'ٹاک ٹو سی ایم'، وزیراعلیٰ تک براہ راست تجاویز پہنچانے کے لیے منفرد پورٹل ہے۔ وزیراعلیٰ مریم نواز نے 'ٹاک ٹو سی ایم' پورٹل کا ڈیجیٹل آغاز کیا۔

یہ بھی پڑھیں: شناختی کارڈ کہاں اور کب استعمال ہوا، شہریوں کو فراڈ سے بچانے کے لیے نادرا نے ایپلی کیشن متعارف کرا دی

بریفنگ کی تفصیلات

سینئر وزیر مریم اورنگزیب نے 'ٹاک ٹو سی ایم' پورٹل کے بارے میں بریفنگ دی۔ بریفنگ میں بتایا گیا کہ 'ٹاک ٹو سی ایم' پورٹل میں 20 سال اور اس سے اوپر کے نوجوانوں کے لیے الگ الگ سیکشن/انٹرفیس قائم کیا گیا ہے۔ صوبہ بھر سے نوجوان سی ایم کے پروگرام اور پراجیکٹس کے متعلق آئیڈیاز اور خیالات کا اظہار کر سکیں گے۔

یہ بھی پڑھیں: شادی کے وقت شاہ رخ خان کا نام بدل کر کونسا ہندو نام رکھا تھا؟ بیوی گوری نے بڑا انکشاف کردیا

یوتھ کے لیے مواقع

وزیراعلیٰ پنجاب مریم نواز نے 2026 کو یوتھ کا سال قرار دیا ہے۔ 'ٹاک ٹو سی ایم' پنجاب کی تاریخ میں بننے والا اپنی نوعیت کا پہلا پورٹل ہے۔ وزیراعلیٰ سے یوتھ 'ٹاک ٹو سی ایم' پورٹل کے ذریعے براہ راست ابلاغ کر سکیں گے۔ نوجوان ٹاک ٹو سی ایم پورٹل کے ذریعے وزیراعلیٰ پنجاب کے پروگرام اور پراجیکٹس پر اپنا فیڈ بیک یا تجاویز دے سکیں گے۔

آئیڈیاز شیئر کرنے کا طریقہ

بریفنگ میں مزید بتایا گیا کہ نوجوان 'ٹاک ٹو سی ایم' پورٹل پر اپنا نام اور مختصر معلومات کے ساتھ آئیڈیاز بھی شیئر کر سکیں گے۔ 20 سال سے اوپر کے نوجوانوں کے لیے 'ٹاک ٹو سی ایم' پورٹل پر الگ انٹرفیس بنایا گیا ہے۔