ہر سال کتنے ہزار بچے دل کی بیماری کے ساتھ پیدا ہوتے ہیں۔۔۔؟ جان کر آپ حیران رہ جائیں

بچوں کی دل کی بیماری کا مسئلہ

لاہور (ڈیلی پاکستان آن لائن) ہر سال کتنے ہزار بچے دل کی بیماری کے ساتھ پیدا ہوتے ہیں؟ جان کر آپ حیران رہ جائیں گے۔

یہ بھی پڑھیں: بھارتی خاتون پائلٹ نے بوائے فرینڈ سے جھگڑے کی وجہ سے خود کشی کر لی

وزیراعلیٰ پنجاب کا اظہار تشکر

تفصیلات کے مطابق وزیراعلیٰ پنجاب مریم نواز نے پاکستان بھر سے آنیوالے 10 ہزار سے زائد بچوں کی مفت سرجری پر اظہار تشکر کیا۔ وزیراعلیٰ پنجاب چلڈرن ہارٹ سرجری کے تحت سب سے زیادہ خیبر پختونخوا کے 425 بچوں کی مفت ہارٹ سرجری کی گئی۔ آزاد جموں و کشمیر کے 250، فیڈرل کے 107، گلگت بلتستان کے 34، بلوچستان کے 28 اور سندھ کے 27 بچوں کی بھی فری ہارٹ سرجری کی گئی۔

یہ بھی پڑھیں: افغانستان سے لوگوں کو لا کر بسانے کا فیصلہ فاش غلطی تھی: وزیراعظم

نئے آئی سی یو کا افتتاح

وزیراعلیٰ پنجاب مریم نواز نے چلڈرن ہسپتال کے نئے آئی سی یو کا بھی افتتاح کیا۔ وزیراعلیٰ مریم نواز نے آئی سی یو کا دورہ کیا اور زیر علاج بچوں کی تیمارداری اور اظہار شفقت کیا۔ وزیراعلیٰ کی چلڈرن ہارٹ سرجری پروگرام کے تحت 10 ہزار سرجری مکمل ہونے پر خصوصی تقریب میں شرکت کی۔

یہ بھی پڑھیں: نکولس مادورو کی گرفتاری کے بعد وینزویلا کی صدارت سنبھالنے والی ڈیلسی روڈریگز کون ہیں؟

مریض بچوں کے ساتھ اظہار شفقت

وزیراعلیٰ مریم نواز تقریب میں مریض بچوں کے درمیان بیٹھ گئیں اور ہارٹ سرجری کے مریض بچوں سے اظہار شفقت کیا۔

یہ بھی پڑھیں: صاحب ان دنوں طفیل روڈ والے گھر رہتے تھے، یہ بڑی شرمندگی کی بات تھی کہ وزیر قانون کی گاڑی چرا لی گئی، کوشش کے باوجود پولیس برآمد نہ کر سکی۔

صوبائی وزیر کی بریفنگ

صوبائی وزیر سپیشلائزڈ ہیلتھ خواجہ سلمان رفیق نے وزیراعلیٰ پنجاب چلڈرن ہارٹ سرجری پروگرام کے بارے میں تفصیلات سے آگاہ کیا۔ خواجہ سلمان رفیق نے بریفنگ میں بتایا کہ وزیراعلیٰ پنجاب چلڈرن ہارٹ سرجری پروگرام کے تحت اب تک 10,331 بچوں کی سرجری ہو چکی ہے۔

یہ بھی پڑھیں: اسٹیٹ بینک آج مانیٹری پالیسی کا اعلان کرے گا، شرح سود 10.5 فیصد پر برقرار رہنے کا امکان

دل کی بیماری کے اعداد و شمار

وائس چانسلر مسعود صادق نے وزیراعلیٰ پنجاب چلڈن ہارٹ سرجری پروگرام پر بریفنگ دی۔ ہر سال 50 ہزار بچے دل کی بیماری کے ساتھ پیدا ہوتے ہیں، جن میں سے 25 ہزار کو فوری سرجری کی ضرورت ہوتی ہے۔

کارڈیک سرجنز کی تعداد میں اضافہ

وزیراعلیٰ مریم نواز نے چلڈن ہسپتال لاہور میں کارڈیک سرجن کی تعداد 12 اور کارڈیک فزیشن کی تعداد 34 تک بڑھا دی۔ وزیراعلیٰ نے 800 کوکلیر ٹرانسپلانٹ اور 200 بچوں کے بون میرو ٹرانسپلانٹ کا بھی ذکر کیا۔ وزیراعلیٰ پنجاب چلڈن ہارٹ سرجری پروگرام پر خصوصی معلوماتی فلم بھی دکھائی گئی۔