ایران کے خلاف طویل فوجی آپریشن کی تیاری، امریکی عہدیداروں کا دعویٰ

امریکا کی ایران کے خلاف آپریشن کی تیاری

واشنگٹن (ویب ڈیسک) امریکی عہدیداروں نے دعویٰ کیا ہے کہ امریکی فوج ایران کے خلاف مسلسل اور طویل آپریشن کی تیاری کر رہی ہے۔

یہ بھی پڑھیں: وزیراعلیٰ مریم نواز کی امریکی ناظم الامور نٹالی اے بیکر اور امریکی قونصل جنرل لاہور کرسٹن کے ہاکنز سے اہم ملاقات

حملے کی پیچیدگیاں

نجی ٹی وی چینل جیو نیوز کے مطابق برطانوی خبر رساں ایجنسی سے گفتگو میں دو امریکی عہدیداروں نے کہا کہ مسلسل مہم امریکی افواج اور مشرق وسطیٰ کے لیے زیادہ خطرے کا باعث ہو گی، اور اس بار حملے کی جاری منصوبہ بندی زیادہ پیچیدہ ہے۔

یہ بھی پڑھیں: ہر وعدے کی تکمیل، ہر خواب کی تعبیر

امریکا کے ممکنہ اہداف

انہوں نے کہا کہ امریکا ایران کا جوہری انفرااسٹرکچر ہی نہیں، اسٹیٹ اور سکیورٹی تنصیبات کو بھی نشانہ بنائے گا اور امریکا کو پوری توقع ہے کہ ایران جوابی کارروائی کرے گا۔

یہ بھی پڑھیں: کاغان : سیاحوں کی گاڑی دریائے کنہار میں جاگری، میاں بیوی جاں بحق

ایران کی دھمکی

دوسری جانب پاسداران انقلاب کا کہنا ہے کہ امریکا نے حملہ کیا تو کسی بھی امریکی فوجی اڈے کو نشانہ بنایا جائے گا۔

خبر ایجنسی کے مطابق امریکا کے اردن، کویت، سعودی عرب، قطر، بحرین، یو اے ای اور ترکیے میں فوجی اڈے موجود ہیں۔

یہ بھی پڑھیں: بھارتی ہٹ دھرمی کی وجہ سے اس سال شیڈول ایشیا کپ نہ ہونے کا امکان

فوجی بھیجنے کی تیاریاں

میڈیا رپورٹس میں بتایا جا رہا ہے کہ پنٹاگون ایک اور طیارہ بردار جہاز مشرق وسطیٰ روانہ کر رہا ہے، ہزاروں فوجی، جنگی جہاز، اور گائیڈڈ میزائل ڈسٹرائرز بھی مشرق وسطیٰ بھیجے جا رہے ہیں۔

یہ بھی پڑھیں: سلمان خان سے لڑائی کے باوجود ویویک اوبرائے نے کتنی دولت کمائی؟ جان کر آپ بھی دنگ رہ جائیں گے

ایران کے خلاف خطرات

اس حوالے سے ماہرین کا کہنا ہے کہ ایران کے خلاف اس طرح کی کارروائی میں امریکی افواج کے لیے خطرات کہیں زیادہ ہوں گے، کیونکہ ایران میزائلوں کے زبردست ہتھیاروں کا حامل ہے، اور ایران کے جوابی حملوں سے علاقائی تنازع کا خطرہ بھی بڑھ سکتاہے۔

یہ بھی پڑھیں: سندھ طاس معاہدے میں ایک فریق کو اختیار ہی نہیں کہ کوئی تبدیلی کرے: احمر بلال صوفی

ایران کی پیش کش

دوسری جانب ایران نے کہا ہے کہ وہ پابندیاں ہٹانے کے بدلے جوہری پروگرام محدود کرنے پر بات چیت کے لیے تیار ہے۔

یہ بھی پڑھیں: میڈم نورجہاں کے پوتے نے ہسپانوی لڑکی سے شادی کرلی

ڈونلڈ ٹرمپ کا بیان

ادھر امریکی صدر ڈونلڈ ٹرمپ کا کہنا ہے کہ ایران کے ساتھ ڈیل کرنا مشکل رہا ہے، کبھی کبھی آپ کو ڈرنا پڑتا ہے، یہی واحد چیز ہے جو صورتحال کو سنبھالنے میں مدد دیتی ہے۔

وائٹ ہاؤس کی وضاحت

ترجمان وائٹ ہاؤس کے مطابق صدر ٹرمپ کے پاس ایران کے حوالے سے تمام آپشنز موجود ہیں، اور وہ کسی بھی مسئلے پر مختلف نقطہ نظر کو سنتے ہیں۔ صدر ٹرمپ حتمی فیصلہ اس بنیاد پر کرتے ہیں جو ملک اور قومی سلامتی کے لیے بہتر ہے۔