اپوزیشن لیڈر اور ساتھی کل سے محبوس ہیں، مجھے بھلے نہ جانے دیں، پھر بھی ان کے لیے کھانے پینے کی اشیاء جانے دیں: پارلیمنٹ کے باہر پولیس نے مصطفیٰ نواز کھوکھر کو بھی روک لیا

پولیس کی کارروائی

اسلام آباد (ڈیلی پاکستان آن لائن) ’’اپوزیشن لیڈر اور ساتھی کل سے محبوس ہیں، مجھے بھلے نہ جانے دیں پر اُن کیلیے کھانے پینے کی اشیاء تو جانے دیں‘‘۔ پارلیمینٹ کے باہر پولیس نے مصطفیٰ نواز کھوکھر کو بھی روک لیا۔

یہ بھی پڑھیں: اسلامی نظریاتی کونسل نے کم سنی کی شادی کے امتناع کا بل مسترد کردیا

مصطفیٰ نواز کھوکھر کی وضاحت

تفصیلات کے مطابق پولیس نے پارلیمنٹ کے باہر اپوزیشن اتحاد تحریکِ تحفظِ آئینِ پاکستان کے رہنما مصطفیٰ نواز کھوکھر کو روک لیا۔’’جنگ‘‘ کے مطابق اس حوالے سے مصطفیٰ نواز کھوکھر کا کہنا ہے کہ اپوزیشن لیڈر اور ساتھی کل سے محبوس ہیں، اُن کے لیے ناشتہ لے کر آیا ہوں۔ مجھے بھلے نہ جانے دیں پر اُن کے لیے کھانے پینے کی اشیاء کو تو جانے دیں۔

یہ بھی پڑھیں: بہاولپور: سسرال والوں کا ناروا سلوک، خاتون 3 کمسن بچیوں کے ساتھ نہر میں کود گئی

پارلیمان کی حالت

مصطفیٰ نواز کھوکھر کا یہ بھی کہنا تھا کہ پارلیمان کے دروازوں پر تالے اور ایوان کی بے توقیری دیکھ کر افسوس ہوا۔

پی ٹی آئی کا دھرنا

واضح رہے کہ پاکستان تحریکِ انصاف (پی ٹی آئی) کا پارلیمنٹ میں دھرنا جاری ہے جس میں اپوزیشن قیادت بھی شریک ہے۔