روایتی حریف ٹکرانے کو تیار، ٹی 20 ورلڈ کپ میں پاک بھارت ٹاکرا آج ہوگا

کولمبو میں شائقین کا انتظار ختم

کولمبو(ڈیلی پاکستان آن لائن) شائقینِ کرکٹ کی انتظار کی گھڑیاں ختم ہونے کو ہیں کیونکہ آئی سی سی ٹی 20 ورلڈ کپ میں روایتی حریف پاکستان اور بھارت ٹیمیں کچھ ہی گھنٹوں میں کولمبو میں مدمقابل ہوں گی۔

یہ بھی پڑھیں: محرم الحرام میں سیکیورٹی خدشات کے پیش نظر فوج تعینات کرنے کا فیصلہ

میچ کا وقت اور مقام

آئی سی سی ٹی 20 ورلڈ کپ 2026ء کے سب سے بڑے معرکے کا کاؤنٹ ڈاؤن شروع ہوگیا ہے جس کے ساتھ ہی شائقین کے دلوں کی دھڑکنیں تیز ہوگئی ہیں۔

پاکستانی وقت کے مطابق پاک بھارت میچ پریماداسا سٹیڈیم میں آج رات ساڑھے 6 بجے شروع ہوگا۔

یہ بھی پڑھیں: وزیراعلیٰ مریم نواز خود سیلاب متاثرین کی امداد کی مانیٹرنگ کریں گی، سروے ٹیم میں اربن یونٹ، ریونیو، زراعت اور پاک آرمی کے نمائندے شامل ہیں

ٹیموں کی تیاری

پاکستانی ٹیم بڑے معرکے کی تیاریوں کے سلسلے میں کولمبو میں ڈیرے ڈال چکی ہے، جہاں شاہینوں نے جم کر ٹریننگ کی، جبکہ بھارتی ٹیم نے بھی کولمبو میں ٹریننگ سیشن میں حصہ لیا۔

یہ بھی پڑھیں: راولپنڈی ڈویژن میں 5روزہ انسداد پولیو مہم کا افتتاح

شائقین کی شدت سے انتظار

روایتی حریفوں کے اس ہائی وولٹیج میچ کا تماشائیوں کو شدت سے انتظار ہے، اس سلسلے میں کولمبو میں بڑے میچ کی بڑی تیاریاں جاری ہیں۔ پاک بھارت میچ کی تمام ٹکٹیں بک چکی ہیں، ہوٹل فل پیک، کمرے نایاب، اور کرائے آسمان پر پہنچ گئے ہیں۔

موسمیاتی پیشگوئی

پاک بھارت ٹاکرا بارش سے متاثر ہونے کا بھی خدشہ ظاہر کیا گیا ہے۔

محکمہ موسمیات نے کولمبو میں 80 فیصد بارش کی پیشگوئی کر دی ہے، میچ کے دوران وقفے وقفے سے بارش کے امکانات برقرار ہیں۔ اگر میچ بارش کی نذر ہوتا ہے تو دونوں ٹیموں کو ایک، ایک پوائنٹ دیا جائے گا۔