بنگلہ دیش فرسٹ‘ بی این پی سربراہ طارق رحمان کا پاکستان اور بھارت کے نام پیغام

طارق رحمان کی پریس کانفرنس

ڈھاکہ (ڈیلی پاکستان آن لائن) بنگلہ دیش کے عام انتخابات میں دو تہائی اکثریت حاصل کرنے کے بعد بنگلہ دیش نیشنلسٹ پارٹی (بی این پی) کے سربراہ طارق رحمان نے پریس کانفرنس میں کہا کہ بنگلہ دیش کی خارجہ پالیسی میں ملک اور عوام کے مفادات کو ہر چیز پر فوقیت دی جائے گی۔

یہ بھی پڑھیں: بیڈگورننس، آئندہ دنوں میں اہم شخصیت کو منصب سے ہٹایا جائے گا:سینیٹر کا دعویٰ

بنگلہ دیش اور بھارت کے تعلقات

نجی ٹی وی چینل آج نیوز کے مطابق پریس کانفرنس کے دوران ایک سوال کے جواب میں جب بنگلہ دیش اور بھارت کے تعلقات پر بات کی گئی، تو بی این پی سربراہ کا کہنا تھا کہ بنگلہ دیش اور اس کے عوام کے مفادات ہماری خارجہ پالیسی کا تعین کریں گے۔

یہ بھی پڑھیں: ہونڈا نے اپنی موٹر سائیکلوں کی قیمت میں اضافہ کر دیا

طرزِ گفتگو

طارق رحمان نے کہا کہ ملک کی آزادی اور جمہوریت پسند عوام نے ایک بار پھر بنگلہ دیش نیشنلسٹ پارٹی کو فتح دلائی ہے۔ انہوں نے ابتدا میں انگریزی میں بات کی اور بعد میں بنگلہ دیشی زبان میں گفتگو کی تھی۔

یہ بھی پڑھیں: سفیان مقیم نے اہم ریکارڈ اپنے نام کرلیا

خارجہ پالیسی کی وضاحت

ان کا مزید کہنا تھا کہ ہم نے اپنی خارجہ پالیسی کے بارے میں وضاحت کر دی ہے جو بنگلہ دیش کے مفاد میں ہے، اور بنگلہ دیشی عوام کا مفاد اولین ترجیح ہے۔ بنگلہ دیش اور عوام کے مفاد کا تحفظ کرتے ہوئے ہم اپنی خارجہ پالیسی کا فیصلہ کریں گے۔

یہ بھی پڑھیں: ایک ملاقات کا سوال ہے بابا

بین الاقوامی تعلقات کی پالیسی

سینئر بی این پی رہنما عامر خسرومحمود چوہدری نے بتایا کہ حکومت بین الاقوامی تعلقات میں کثیرالجہتی رویہ اپنائے گی اور کسی ایک ملک پر مرکوز پالیسی نہیں اپنائے گی۔

یہ بھی پڑھیں: نیپرا نے فی یونٹ بجلی 93 پیسے سستی کردی

بنگلہ دیش فرسٹ پالیسی

طارق رحمان کی بنگلہ دیش فرسٹ پالیسی کا مقصد پڑوسی ممالک جیسے بھارت، چین اور پاکستان کے ساتھ تعلقات میں توازن قائم کرنا ہے۔

یہ بھی پڑھیں: جن کی اپنی کوئی کارکردگی نہیں وہ دوسروں سے سوال کر رہے ہیں: عظمیٰ بخاری

بنگلہ دیش کی نئی حکومت کی ترجیحات

بنگلہ دیش کی نئی حکومت کے سربراہ طارق رحمان کی پہلی ترجیح بنگلہ دیش اور اسکے مفادات ہیں۔ وہ پاکستان اور بھارت کے موضوعات کی بجائے سب سے پہلے بنگلہ دیش پر توجہ دے رہے ہیں۔

یہ بھی پڑھیں: کراچی: قتل کیے گئے 3 خواجہ سراؤں میں سے 2 کی شناخت ہو گئی

خودمختاری کا تحفظ

بی این پی قیادت نے اس بات پر زور دیا کہ خودمختاری کے تحفظ، اسٹریٹجک آزادی اور باہمی احترام کو خارجہ تعلقات کی تشکیل میں مرکزی اہمیت دی جائے گی۔

انتخابی کامیابی

واضح رہے کہ بنگلادیش نیشنلسٹ پارٹی نے حالیہ انتخابات میں اپنے حامیوں کے ساتھ مل کر دو تہائی اکثریت حاصل کی ہے۔ بی این پی اتحاد نے 299 میں سے 212 نشستیں حاصل کی تھیں۔