گووندا نے پاکستان مخالف فلموں میں کام کیوں نہیں کیا؟

گووندا کا سوشل میڈیا پر انکشاف

ممبئی (ڈیلی پاکستان آن لائن) بالی ووڈ کے معروف اداکار گووندا ان دنوں سوشل میڈیا پر ایک وائرل کلپ کے باعث خبروں میں ہیں، جس میں انہوں نے انکشاف کیا کہ وہ ایسی فلموں میں کام نہیں کرتے جس میں کسی ملک یا قوم کے خلاف توہین آمیز زبان استعمال کی جائے۔

یہ بھی پڑھیں: معروف پاکستانی مصور عمران قریشی کی نمائش “وینشنگ پوائنٹس” کا افتتاح، سفیر پاکستان فیصل نیاز ترمذی کی مستقبل میں تعاون کی یقین دہانی

اداکاری کی شروعات

گووندا 1990ء کی دہائی میں اپنی کامیڈی اور رومانوی سپرہٹ فلموں کے باعث بھارت اور پاکستان دونوں میں بے حد مقبول رہے ہیں۔ حال ہی میں ریئلٹی شو انڈین آئیڈل کا ایک کلپ سوشل میڈیا پر وائرل ہوا، جس میں گووندا نے بتایا کہ میں نے 2001ء کی بلاک بسٹر فلم غدر، ایک پریم کتہا میں کام کرنے سے انکار کیا تھا۔

یہ بھی پڑھیں: پیپلزپارٹی رواداری کو فروغ دینا چاہتی ہے، رواداری کا یہ مطلب نہیں آپ قانون ہاتھ میں لیں، کسی کو قانون کی خلاف ورزی کی اجازت نہیں دیں گے، میئر کراچی مرتضیٰ وہاب

فلم 'غدر' پر موقف

انہوں نے کہا کہ غدر میں زبانی بدکلامی تھی، میں ویسے بھی ایسی فلمیں نہیں کرتا جہاں مجھے کسی کو گالیاں دینی ہوں، خاص طور پر کسی ملک کے خلاف، میں کسی کے لیے بھی ایسا کام نہیں کرتا۔

یہ بھی پڑھیں: تیز ہوا کے باعث چین میں سیاحوں کی 4 کشتیوں الٹ گئیں، بڑی تعداد میں ہلاکتیں

سرپرستوں کے تاثرات

ان کے اس بیان پر شو میں موجود بھارتی ریپر بادشاہ اور دیگر ججز حیران رہ گئے۔ بھارتی میڈیا رپورٹس کے مطابق گووندا کو اس فلم میں مرکزی کردار کی پیشکش کی گئی تھی، تاہم انہوں نے اسے قبول نہیں کیا۔

سوشل میڈیا پر پذیرائی

سوشل میڈیا پر پاکستانی صارفین ان کے مؤقف کو سراہتے ہوئے انہیں خراجِ تحسین پیش کر رہے ہیں۔ ایک صارف نے لکھا ہے کہ گووندا ایک محبت کرنے والے انسان ہیں، انہوں نے کبھی کسی ملک کے خلاف بات نہیں کی۔

دوسرے نے کہا ہے کہ اسی لیے ہم انہیں پسند کرتے ہیں، جبکہ ایک اور صارف کا کہنا ہے کہ یہی چیز آپ کو نمبر ون اور قابلِ محبت بناتی ہے۔