جامعۂ پنجاب کا 135ویں سالانہ کانووکیشن، الیزے شبیر خان کے لیے تین گولڈ میڈلز کا اعزاز

لاہور (ویب ڈیسک) جامعۂ پنجاب کے 135ویں سالانہ کانووکیشن میں رئیس الجامعہ، پروفیسر ڈاکٹر محمد علی نے نمایاں کارکردگی کا مظاہرہ کرنے والے طلبہ و طالبات کو ان کی علمی کامیابیوں کے اعتراف میں اسناد اور میڈلز عطا کیے۔

الیزے شبیر خان کی شاندار کامیابی

الیزے شبیر خان کو بی ایس کمیونیکیشن اسٹڈیز میں پہلی پوزیشن حاصل کرنے پر تین گولڈ میڈلز سے نوازا گیا۔ انہیں یونیورسٹی گولڈ میڈل، حمید نظامی گولڈ میڈل اور مسکین حجازی گولڈ میڈل عطا کیے گئے۔

تعلیم کے میدان میں ایک وراثت

الیزے شبیر خان، ڈاکٹر شبیر احمد خان (استاد شعبۂ سیاسیات و ڈائریکٹر مرکزِ ترقیِ تہذیب و دیانت) کی صاحبزادی ہیں اور آج سے پینتیس (35) سال قبل ڈاکٹر شبیر احمد خان نے بھی شعبۂ سیاسیات میں نمایاں کارکردگی کا مظاہرہ کرتے ہوئے دو گولڈ میڈلز (یونیورسٹی گولڈ میڈل اور پہلا ابنِ خلدون میڈل) حاصل کیے تھے۔

کانووکیشن کی تقریب میں شرکاء

جامعۂ پنجاب کے اس باوقار کانووکیشن میں طلبہ و طالبات، اساتذہ، والدین اور معزز مہمانوں کی بڑی تعداد شریک ہوئی۔