ٹی ٹوئنٹی ورلڈ کپ: بھارت سے عبرتناک شکست، نمیبیا کیخلاف بینچ اسٹرینتھ آزمانے کا امکان
آئی سی سی ٹی 20 ورلڈکپ: بھارت کے خلاف شکست کے بعد چھٹی کا امکان
کولمبو (ڈیلی پاکستان آن لائن) آئی سی سی ٹی 20 ورلڈکپ کے گروپ میچ میں بھارت سے شکست کے بعد قومی ٹیم کے ٹی 20 اسکواڈ سے بڑے ناموں کی چھٹی کا امکان ہے۔
یہ بھی پڑھیں: پی ٹی آئی نے جے شنکر کو دفاعی تنصیبات اور شہداء کے مزاروں کا دورہ کرنے کی دعوت دی: سینیٹر عرفان صدیقی
ٹیم مینجمنٹ کی تشویش
نجی ٹی وی چینل سماء نیوز کے مطابق ذرائع کا کہنا ہے کہ بھارت سے شکست کے بعد ٹیم مینجمنٹ نے بڑے ناموں پر بھروسہ کرنا چھوڑ دیا ہے۔ میچ کے بعد میٹنگ میں سینیئر کھلاڑیوں کی کارکردگی پر شدید تحفظات کا اظہار کیا گیا۔
یہ بھی پڑھیں: چینی کی درآمد پر ٹیکس چھوٹ، 7 ارب ڈالر قرض پروگرام متاثر ہونے کا خدشہ
سوشل میڈیا پر تنقید
بابراعظم، شاہین آفریدی اور شاداب خان کی حالیہ پرفارمنس پر سابق کرکٹرز اور سوشل میڈیا نے بھی سوالات اٹھا لیے ہیں۔ ٹیم مینجمنٹ نے بابر اور شاہین کو بینچ پر بٹھانے پر غور شروع کردیا ہے، جبکہ نمیبیا کے خلاف میچ میں بینچ کی طاقت کو آزمانے پر بھی غور کیا جانے لگا ہے۔
یہ بھی پڑھیں: اسلام آباد ہائیکورٹ کے جسٹس راجہ انعام امین منہاس کی دوران سماعت طبیعت ناساز
متبادل کھلاڑیوں پر غور
ذرائع کے مطابق بابراعظم کے متبادل کے لیے بینچ پر فخرزمان اور خواجہ نافع موجود ہیں، جبکہ شاہین آفریدی کی جگہ سلمان مرزا اور نسیم شاہ کو کھلانے پر فیصلہ کیا جا سکتا ہے۔
یہ بھی پڑھیں: پی ٹی آئی اور حکومت کے درمیان مذاکرات جاری
نمیبیا کے خلاف آخری گروپ میچ
نمیبیا کے خلاف پاکستان کے آخری گروپ میچ دو سے تین تبدیلیوں کا امکان ہے۔ پاکستان اگر نمیبیا سے جیت جاتا ہے تو سپر ایٹ راؤنڈ کے لیے کوالیفائی کرے گا۔
بابراعظم اور شاہین آفریدی کی کارکردگی
واضح رہے کہ بابراعظم نے ورلڈکپ کے تین میچز میں مجموعی طور پر 66 رنز بنائے ہیں، جن میں یوایس اے کے خلاف 46 رنز کی اننگز شامل ہے، جبکہ شاہین آفریدی نے تین میچز میں صرف 3 وکٹیں اپنے نام کی ہیں۔
