چولستان جیپ ریلی خطے کے لیے اہم، ثقافتی رونقیں بحال ہوگئیں: سینئر وزیر پنجاب مریم اورنگزیب

تقافت اور سیاحت کی بحالی

بہاولپور (ڈیلی پاکستان آن لائن) سینئر صوبائی وزیر مریم اورنگزیب نے کہا ہے کہ وزیراعلیٰ مریم نواز کے وژن کو سلام پیش کرتی ہوں۔ پنجاب میں ثقافتی اور سیاحتی سرگرمیوں کے ذریعے رونقیں دوبارہ بحال ہو رہی ہیں۔

یہ بھی پڑھیں: پی ٹی سی ایل نے پاکستان میں واٹس ایپ میں خرابی کی تصدیق کردی

چولستان جیپ ریلی کی تقریب

چولستان جیپ ریلی کی تقریب سے خطاب کرتے ہوئے انہوں نے کہا کہ لاہور میں 25 سال بعد بسنت منائی گئی جس سے عوام میں خوشی کی لہر دوڑ گئی، نوازشریف کی خواہش تھی کہ پنجاب اور لاہور میں بسنت دوبارہ بحال ہو اور مقامی ثقافت کو فروغ ملے۔

یہ بھی پڑھیں: سندھ ہائی کورٹ نے ہیروئن بیچتے پکڑی جانے والی 14سالہ لڑکی کے والدین کی فوری گرفتاری کا حکم دیدیا

مقامی ورثے کی اہمیت

انہوں نے چولستان جیپ ریلی کے شرکاء کو مبارکباد دیتے ہوئے کہا کہ اس ایونٹ میں دیگر ممالک کے ڈرائیورز نے بھی شرکت کی، جو اس کی بین الاقوامی اہمیت کو ظاہر کرتا ہے۔ ایسے مقامی میلوں اور ثقافتی سرگرمیوں سے روزگار کے مواقع بھی بڑھتے ہیں۔ نواز شریف کو اپنی ثقافت، ورثے اور چولستان سے خاص محبت ہے اور انہوں نے اس خطے کی ترقی کیلئے نمایاں کام کیے جو سب کے سامنے ہیں۔

یہ بھی پڑھیں: پنجاب میں تھیٹر کیلیے نیا قانون جلد متعارف کرایا جائے گا ، مقصد کسی کی تضحیک کرنا نہیں: عظمٰی بخاری

دراؤڑ فورٹ کی ترقی

انہوں نے کہا کہ دراوڑ فورٹ پہلے کھنڈرات کا منظر پیش کر رہا تھا تاہم اب وہاں بہترین کام کروایا جا رہا ہے۔ وزیراعلیٰ پوری دنیا کیلئے سیاحت کے دروازے کھول رہی ہیں اور ان کے وژن کے مطابق تمام تاریخی مقامات کو بحال کیا جائے گا۔ نوجوان نسل انٹرنیٹ پر دیگر ممالک کی ثقافت دیکھتی ہے تاہم بسنت کے 3 دن نوجوان اپنی ثقافت سے جڑے رہے، پنجاب حکومت عوام کو ان کی ثقافت واپس لوٹا رہی ہے۔

یہ بھی پڑھیں: پاکستانی شہری سے پسند کی شادی کرنے والی بھارتی خاتون کو آج بھی کیوں روانہ نہ کیا جا سکا۔۔؟ وجہ جانیے

اگلے سال کی جیپ ریلی

انہوں نے شرکاء کو بتایا کہ اگلے سال چولستان جیپ ریلی میں وزیراعلیٰ مریم نواز خود آئیں گی۔ چولستان اوردراوڑ کے عوام کے ساتھ مل کر اس فیسٹیول کو کامیاب بنایا گیا، فیصل حسن شادی خیل کے جذبات کو سمجھتی ہوں، فیصل حسن شادی خیل نے بدقسمت حادثے کے بعد ریس میں حصہ نہیں لیا۔

یہ بھی پڑھیں: الیکشن کمیشن نے عمر ایوب نااہلی کیس کا فیصلہ محفوظ کرلیا

قانون سازی اور تحفظ

صوبائی وزیر نے کہا کہ چولستان جیپ ریلی میں اے ایس آئی شہید ہوئے، ان کو خراج تحسین پیش کرتے ہیں۔ جیپ ریلی میں حصہ لینے والوں کیلئے قانون سازی کا عمل شروع ہوچکا ہے، آئندہ جو بھی جیپ ریلی میں شرکت کرے گا اس کو بالکل تحفظ دیا جائے گا۔

سیاحت کی نئی حکمت عملی

مزید برآں، مریم اورنگزیب کا کہنا تھا کہ پہلی بار ٹورازم اتھارٹی قائم کی گئی ہے تاکہ سیاحت کے شعبے کو منظم انداز میں فروغ دیا جا سکے۔ پورے محکمہ ٹورازم کو وزیراعلیٰ مریم نواز کی جانب سے شاباش دیتی ہوں، وزیراعلیٰ مریم نواز نے پنجاب کی رونقیں دوبارہ بحال کردی ہیں۔