کراچی، سانحہ گل پلازہ جوڈیشل کمیشن کا متاثرین کے اہلِخانہ سے رابطہ،مکمل تعاون کی اپیل

کراچی میں سانحہ گل پلازہ کی تحقیقات

جسٹس آغا فیصل کی سربراہی میں قائم سانحہ گل پلازہ جوڈیشل کمیشن نے سانحے میں جاں بحق افراد کے اہل خانہ سے ملاقات کی اور ان سے مکمل تعاون کی اپیل کی۔

یہ بھی پڑھیں: رشتوں کا خون

لواحقین سے اظہار تعزیت

ملاقات کے دوران جسٹس آغا فیصل نے لواحقین سے اظہار تعزیت کرتے ہوئے کہا کہ آپ سب شہدا کے اہل خانہ ہیں اور ہمیں ان شہادتوں پر دلی افسوس ہے۔ کمیشن کی خواہش تھی کہ تحقیقات کا آغاز لواحقین سے کیا جائے تاکہ ان کے موقف اور تحفظات کو براہ راست سنا جا سکے۔

یہ بھی پڑھیں: لاہور؛ کار سوار شہری کو ناکے پر روکنا پولیس اہلکاروں کو مہنگا پڑ گیا

تحقیقات کا مقصد

انہوں نے واضح کیا کہ ٹریبونل کا مقصد مستقبل میں ایسے افسوسناک واقعات اور جانی نقصانات کی روک تھام کو یقینی بنانا ہے۔ مالی نقصان کی تلافی ممکن ہے مگر جانی نقصان کا ازالہ ممکن نہیں۔

یہ بھی پڑھیں: لندن میں فلم “لو گرو” کی تشہیر کے دوران ماہرہ خان کو ہراسانی کا سامنا کرنا پڑگیا

لواحقین کی معاونت کے لئے سوالات

جسٹس آغا فیصل نے بتایا کہ لواحقین کیلئے کچھ سوالات تیار کیے گئے ہیں اور کمیشن ان کی معاونت کا خواہاں ہے۔ اگر اہل خانہ چاہیں تو سوالنامہ موقع پر ہی جمع کرا سکتے ہیں یا بعد ازاں ہائیکورٹ آکر بھی اپنے بیانات ریکارڈ کرا سکتے ہیں۔

یہ بھی پڑھیں: اداکارہ سناکشی نے شوہر سے طلاق کی پیشگوئی کرنے والے صارف کو کرارا جواب دیدیا

حقائق تک رسائی

انہوں نے کہا کہ بہت سے لواحقین ابھی موجود نہیں، اس لیے کمیشن چاہتا ہے کہ تمام متاثرہ خاندان اپنے بیانات قلمبند کرائیں تاکہ مکمل حقائق تک پہنچنے میں آسانی ہو۔ کمیشن عوام، حکومت اور متعلقہ اداروں سے بھی معلومات طلب کر رہا ہے جبکہ ریسکیو ورکرز تک رسائی کی بھی خواہش ظاہر کی گئی ہے۔

مستقبل کی سفارشات

جسٹس آغا فیصل کا کہنا تھا کہ تمام معلومات اور بیانات کی بنیاد پر جامع جوابات اور سفارشات تیار کی جائیں گی تاکہ آئندہ ایسے سانحات کی روک تھام ممکن بنائی جا سکے۔