اسلام آباد ہائیکورٹ بار کے سالانہ انتخابات، واجد گیلانی دوبارہ صدر منتخب

اسلام آباد ہائیکورٹ بار کے انتخابات

اسلام آباد (ڈیلی پاکستان آن لائن) اسلام آباد ہائیکورٹ بار کے سالانہ انتخابات میں واجد گیلانی دوبارہ صدر اور نائب صدر کی نشست پر صابر احمد بھی بلا مقابلہ منتخب ہو گئے۔

یہ بھی پڑھیں: پیپلز پارٹی کسی بھی جماعت پر پابندی کی حمایت نہیں کرتی اور نہ ہی کسی کو غدار سمجھتی ہے تاہم پی ٹی آئی کو اپنی سیاست پر نظرثانی کرنا ہوگی، شرجیل انعام میمن

انتخابی نتائج کا اعلان

تفصیلات کے مطابق چیئرمین الیکشن بورڈ عادل عزیز قاضی نے اسلام آباد ہائیکورٹ بار کے الیکشن کے نتائج کا آفیشلی اعلان کردیا ہے، صدارتی امیدوار واجد گیلانی 770 ووٹ لے کر کامیاب ہوئے۔ ان کے مدمقابل امیدوار اشرف گجر نے 761 ووٹ لیے۔

یہ بھی پڑھیں: 4 مقامات پردھرنوں کا اعلان

دیگر عہدوں کے نتائج

’’جنگ‘‘ کے مطابق نوٹیفیکیشن ایڈیشنل سیکرٹری کیلئے فرزانہ فیصل خان 865 ووٹ لیکر کامیاب جبکہ مدمقابل پلوشہ ایاز خان نے 644 ووٹ لیے۔ اس کے علاوہ جوائنٹ سیکرٹری کیلئے عثمان ناصر 939 ووٹ لیکر کامیاب اور مدمقابل وجاہت غوری 553 ووٹ ہی لے سکے۔

یہ بھی پڑھیں: سپیس سیشن کے دوران تنقید کے بعد پی ٹی آئی کے سالار وزیر نے انٹرنیٹ پر صنم جاوید کو کھری کھری سنادیں

مالیاتی سکریٹری کی کامیابی

فنانس سیکرٹری کیلئے ردا بتول 860 ووٹ لیکر کامیاب جبکہ مدمقابل سید صلاح الدین نے 625 ووٹ لیے۔ چیف الیکشن بورڈ عادل عزیز قاضی اور ممبرز نے باقاعدہ نوٹیفکیشن جاری کردیا ہے، نئی کابینہ یکم مارچ سے ذمہ داریاں سنبھالے گی۔

باقی عہدیداروں کا انتخاب

اس سے قبل جنرل سیکرٹری قاسم نواز عباسی اور 12 رکنی ایگزیکٹو باڈی بلا مقابلہ منتخب ہو گئی تھی جبکہ نائب صدر کی نشست پر صابر احمد بھی بلا مقابلہ منتخب ہو چکے ہیں۔