وزیر اعلیٰ مریم نواز کی ترجیحات میں صحافی برادری سر فہرست ہے: عظمیٰ بخاری کی پنجاب یونین آف جرنلسٹس کے نومنتخب عہدیداران کو مبارکباد

عظمٰی بخاری کی دلی مبارکباد

لاہور (ڈیلی پاکستان آن لائن) وزیر اطلاعات و ثقافت پنجاب عظمٰی بخاری نے پنجاب یونین آف جرنلسٹس (پی یو جے) کے نومنتخب عہدیداران کو دلی مبارکباد پیش کی ہے۔ انہوں نے پی یو جے کے نومنتخب صدر نعیم حنیف، سیکرٹری قمر بھٹی اور ان کی پوری باڈی کے لیے نیک خواہشات کا اظہار کیا۔

یہ بھی پڑھیں: میری نظر میں کوئی بھی سیاسی جماعت، کوئی بھی پاکستان کا لیڈر اینٹی پاکستان نہیں ہے، سینیٹر علی ظفر

صحافت کی حمایت میں پی یو جے کا کردار

عظمٰی بخاری نے کہا کہ پنجاب یونین آف جرنلسٹس کی آزادیٔ صحافت اور صحافیوں کے حقوق کے تحفظ کے لیے طویل اور قابلِ قدر جدوجہد رہی ہے۔ پی یو جے نے ہمیشہ صحافی برادری کے مسائل کے حل کے لیے صفِ اول کا کردار ادا کیا اور ہر مشکل وقت میں صحافیوں کی مؤثر نمائندگی کی۔

یہ بھی پڑھیں: اسلام آباد میں پولیس والے ڈکیتیاں کر رہے ہیں، این سی سی آئی اے اپریل 2025 میں بنی اور ملک میں افراتفری مچا رکھی ہے، شیر افضل مروت کا الزام

حکومت کا عزم

صوبائی وزیر اطلاعات و ثقافت نے اس عزم کا اعادہ کیا کہ پنجاب حکومت صحافیوں کے تحفظ، فلاح و بہبود اور ان کے مسائل کے حل کے لیے سنجیدہ اقدامات کر رہی ہے۔ انہوں نے کہا کہ وزیر اعلیٰ پنجاب مریم نواز کی ترجیحات میں صحافی برادری سرفہرست ہے اور حکومت اس حوالے سے عملی اقدامات جاری رکھے گی۔

نومنتخب باڈی کی توقعات

عظمٰی بخاری نے امید ظاہر کی کہ پی یو جے کی نومنتخب باڈی خلوصِ نیت اور پیشہ ورانہ ذمہ داری کے ساتھ صحافیوں کے حقوق کے تحفظ اور ان کے مسائل کے حل کے لیے بھرپور کردار ادا کرے گی، تاکہ صحافتی اقدار کو مزید مضبوط بنایا جا سکے۔