مشہور بھارتی گلوکارہ گیتا پٹنائک کا انتقال

گیتا پٹنائک کی وفات

اوڈیشا (ویب ڈیسک) بھارتی ریاست اوڈیشا کی معروف گلوکارہ گیتا پٹنائک برین سٹروک کے باعث 73 برس کی عمر میں وفات پا گئیں۔

یہ بھی پڑھیں: آپ پہلے جواب جمع کرائیں، سندھ ہائیکورٹ کا26ویں آئینی ترمیم کیخلاف درخواستوں پر ڈپٹی اٹارن جنرل کو 3ہفتوں میں جواب جمع کرانے کا حکم

علاج کا عمل

بھارتی میڈیا رپورٹس کے مطابق موسیقی کی صنعت کی ممتاز ترین آوازوں میں شمار ہونے والی گیتا پٹنائک گزشتہ ہفتے برین سٹروک کے بعد ایک ہسپتال میں زیرِ علاج تھیں جہاں وہ دوران علاج انتقال کر گئیں۔

73 سالہ گلوکارہ کو جمعرات کے روز ایک تقریب کے دوران طبیعت خراب ہونے پر پہلے کٹک کے کیپیٹل ہسپتال منتقل کیا گیا جہاں برین سٹروک کی تصدیق ہوئی، بعد ازاں انہیں کٹک کے ایک نجی ہسپتال منتقل کر دیا گیا۔ ان کے بہنوئی پردوش پٹنائک کے مطابق اتوار کے روز علاج کے دوران ڈاکٹروں نے انہیں دماغی طور پر مردہ قرار دے دیا۔

یہ بھی پڑھیں: وزیراعظم شہبازشریف نے تاجروں کو گرفتار کرنے کی تجویز کا نوٹس لے لیا

آخری رسومات

ان کی آخری رسومات ان کے کٹک میں واقع گھر میں ادا کی جائیں گی۔

یہ بھی پڑھیں: بلوچستان کے ضلع دکی میں ژالہ باری کا 42 سالہ ریکارڈ ٹوٹ گیا

کریئر کی جھلکیاں

خیال رہے کہ گیتا پٹنائک کا کیریئر 5 دہائیوں پر محیط رہا، انہوں نے اپنے کیریئر میں کئی فنکاروں اور موسیقاروں کے ساتھ کام کیا، تاہم انہیں خاص طور پر لیجنڈری اڑیا گلوکار اکشے موہنتی کے ساتھ گائے گئے گانوں کی وجہ سے شہرت ملی۔ انہوں نے فلم ’’ججبَر‘‘ کے مقبول گیت ’’فُر کِنا اُڈیگالا بانی‘‘ سمیت کئی مشہور اوڑیا گیتوں کو اپنی آواز دی تھی۔

زبان کی خصوصیت

یاد رہے کہ ’’اڑیا‘‘ بھارتی ریاست اوڈیشا میں بولی جانے والی ایک ہند آریائی زبان ہے۔