محکمہ موسمیات نے پہلے روزے سے متعلق پیشگوئی کر دی

محکمہ موسمیات کی پیشگوئی

لاہور (ڈیلی پاکستان آن لائن) محکمہ موسمیات نے رمضان کا آغاز 19 فروری سے ہونے کی پیشگوئی کی ہے۔

یہ بھی پڑھیں: اوورسیز پاکستانیوں نے 3 ماہ میں آئی ایم ایف کے تین سالہ پروگرام سے زیادہ ڈالر پاکستان بھیجے

چاند کی رویت کا امکان

محکمہ موسمیات کے مطابق رمضان کا چاند 18 فروری کی شام نظر آنے کا امکان ہے۔ 29 شعبان 1447 ہجری بروز بدھ چاند نظر آنے کے امکانات ہیں۔

یہ بھی پڑھیں: پاک بنگلہ دیش ٹی 20 سیریز کا آخری میچ آج کھیلا جائے گا

فلکیاتی پیرامیٹرز

فلکیاتی پیرامیٹرز کے مطابق رمضان کا آغاز 19 فروری سے ہونے کا امکان ہے، چاند کی پیدائش 17 فروری کو شام 5 بجکر 1 منٹ پر ہوگی اور 18 فروری کی شام غروبِ آفتاب کے وقت چاند کی عمر 25 گھنٹے 48 منٹ سے زائد ہو گی۔

غروب آفتاب اور چاند کی رویت

ساحلی علاقوں میں غروبِ آفتاب اور غروبِ ماہتاب کے درمیان تقریباً 59 منٹ کا فرق ہو گا، جس سے چاند باآسانی دیکھا جا سکے گا۔ بیشتر حصوں میں موسم صاف رہنے کی توقع ہے، جو چاند کی رویت کے لیے سازگار حالات فراہم کرے گا۔