بابر اور شاہین نے بہت میچ جتوائے، ایک میچ اچھا نہیں ہوا تو یہ کھیل کا حصہ ہے: عثمان طارق

کولمبو میں عثمان طارق کی پریس کانفرنس

کولمبو(ڈیلی پاکستان آن لائن) قومی کرکٹ ٹیم کے سپنر عثمان طارق نے کہا ہے کہ بابر اعظم اور شاہین آفریدی نے بہت میچز بھی جتوائے ہیں اور ایک میچ میں اگر اچھا نہیں ہوا تو یہ کھیل کا حصہ ہے۔

یہ بھی پڑھیں: تیسرا ٹی20؛ اہم میچ سے قبل بنگلادیش کو بڑا دھچکا

غلطیوں پر کام کرنے کی اہمیت

نجی ٹی وی چینل جیو نیوز کے مطابق کولمبو میں پریس کانفرنس کرتے ہوئے عثمان طارق نے کہا کہ مشکل تب ہوتی ہے جب غلطیوں پر کام نہ کریں، ہم نے غلطیوں پر کام کیا ہے اور دوبارہ غلطیاں نہیں کریں گے تو مشکل نہیں ہوگی۔

یہ بھی پڑھیں: الیکٹرانک فراڈ سے متعلق 13 ہزار سے زائد لنک بلاک کیے جا چکے ہیں، پی ٹی اے

دباؤ کا سامنا کرنا

انہوں نے کہا کہ میچ کے بعد میٹنگ میں وہی بات ہوتی ہے کہ ہم سے کیا غلطیاں ہوئی ہیں اور میں نے محسوس نہیں کیا کہ ٹیم دباؤ میں ہے۔ پریشر ہونا نارمل چیز ہے اور اب پریشر تو ہے نہیں، پریشر پر قابو پانا ہی کام ہوتا ہے اور اس پر کام کیا ہے۔

یہ بھی پڑھیں: بیوی کی بلیک میلنگ سے تنگ آدمی کی خود کشی، آخری پوسٹ میں ایلون مسک اور ٹرمپ کو ٹیگ کردیا، ایسی کہانی کہ ہر آنکھ اشکبار ہوجائے

بھارت کے خلاف میچ اور قومی احساسات

ٹی ٹوئنٹی ورلڈکپ میں بھارت کے خلاف متاثر کن کارکردگی نہ دکھانے والے بابر اعظم اور شاہین آفریدی کے بارے میں عثمان طارق نے کہا کہ انہوں نے بہت میچز بھی جتوائے ہیں۔ ایک میچ میں اگر اچھا نہیں ہوا تو یہ کھیل کا حصہ ہے۔ ویسے بھی ہار جیت کھیل کا حصہ ہے۔ آئندہ آپ دیکھیں گے کہ ہم اچھا کھیلیں گے۔ پاک بھارت میچ کو پوری قوم دیکھ رہی ہوتی ہے، اپنی بھرپور کوشش کی اور آئندہ اس سے بھی بہتر کرنے کی کوشش ہوگی۔

یہ بھی پڑھیں: سینٹرل جیل لاہور میں 2000 قیدیوں کی گنجائش کیلئے 5 نئی ڈبل سٹوری بیرکس تیار

انفرادی کردار اور ذمہ داری

ان کا کہنا تھا کہ اگر میری وجہ سے کوئی ٹیم دباؤ میں آتی ہے تو اس سے اعتماد ملتا ہے۔ کوئی خاص تیاری کرتا ہے تو اس وجہ سے میں مزید اچھا کرنے کے لیے متحرک ہوتا ہوں۔