بابر اور شاہین نے بہت میچ جتوائے، ایک میچ اچھا نہیں ہوا تو یہ کھیل کا حصہ ہے: عثمان طارق

کولمبو میں عثمان طارق کی پریس کانفرنس

کولمبو(ڈیلی پاکستان آن لائن) قومی کرکٹ ٹیم کے سپنر عثمان طارق نے کہا ہے کہ بابر اعظم اور شاہین آفریدی نے بہت میچز بھی جتوائے ہیں اور ایک میچ میں اگر اچھا نہیں ہوا تو یہ کھیل کا حصہ ہے۔

یہ بھی پڑھیں: سونے کی فی تولہ قیمت میں 2300 روپے کی کمی

غلطیوں پر کام کرنے کی اہمیت

نجی ٹی وی چینل جیو نیوز کے مطابق کولمبو میں پریس کانفرنس کرتے ہوئے عثمان طارق نے کہا کہ مشکل تب ہوتی ہے جب غلطیوں پر کام نہ کریں، ہم نے غلطیوں پر کام کیا ہے اور دوبارہ غلطیاں نہیں کریں گے تو مشکل نہیں ہوگی۔

یہ بھی پڑھیں: امریکی صدر ڈونلڈ ٹرمپ کے ہاتھ پر نیل، وائٹ ہاؤس نے زیادہ ہینڈ شیک کو وجہ قرار دے دیا

دباؤ کا سامنا کرنا

انہوں نے کہا کہ میچ کے بعد میٹنگ میں وہی بات ہوتی ہے کہ ہم سے کیا غلطیاں ہوئی ہیں اور میں نے محسوس نہیں کیا کہ ٹیم دباؤ میں ہے۔ پریشر ہونا نارمل چیز ہے اور اب پریشر تو ہے نہیں، پریشر پر قابو پانا ہی کام ہوتا ہے اور اس پر کام کیا ہے۔

یہ بھی پڑھیں: پی ٹی آئی کی باہر بیٹھی قیادت وہ نہ کرسکی جو میں نے جیل میں بیٹھ کر کیا:شاہ محمود قریشی

بھارت کے خلاف میچ اور قومی احساسات

ٹی ٹوئنٹی ورلڈکپ میں بھارت کے خلاف متاثر کن کارکردگی نہ دکھانے والے بابر اعظم اور شاہین آفریدی کے بارے میں عثمان طارق نے کہا کہ انہوں نے بہت میچز بھی جتوائے ہیں۔ ایک میچ میں اگر اچھا نہیں ہوا تو یہ کھیل کا حصہ ہے۔ ویسے بھی ہار جیت کھیل کا حصہ ہے۔ آئندہ آپ دیکھیں گے کہ ہم اچھا کھیلیں گے۔ پاک بھارت میچ کو پوری قوم دیکھ رہی ہوتی ہے، اپنی بھرپور کوشش کی اور آئندہ اس سے بھی بہتر کرنے کی کوشش ہوگی۔

یہ بھی پڑھیں: حنا خواجہ بیات نے محبت کے بغیر شادی کا دردناک قصہ بیان کردیا

انفرادی کردار اور ذمہ داری

ان کا کہنا تھا کہ اگر میری وجہ سے کوئی ٹیم دباؤ میں آتی ہے تو اس سے اعتماد ملتا ہے۔ کوئی خاص تیاری کرتا ہے تو اس وجہ سے میں مزید اچھا کرنے کے لیے متحرک ہوتا ہوں۔

یہ بھی پڑھیں: وزیراعلیٰ مریم نواز کا معروف فلم رائٹر کمال پاشا کے انتقال پر اظہار افسوس

فائنل کا مقصد

قومی کرکٹر نے مزید کہا کہ فائنل کھیلنا اور جیتنا ہمارا اولین مقصد ہے۔ ہمارا مقصد جیت ہے، ہم یہ نہیں دیکھ رہے ہیں کہ حریف ٹیم کون ہے۔

یہ بھی پڑھیں: پہلگام واقعہ بھارت کا سوچا سمجھا اقدام، جارحیت کا منہ توڑ جواب دیا جائے گا: اراکین سینیٹ

پلئینگ الیون کے فیصلے

ان کا کہنا تھا کہ پلئینگ الیون پر میرا اختیار نہیں ہوتا، کپتان، کوچ اور سلیکٹرز کوئی فیصلہ کرتے ہیں، انہیں بیک کرنا چاہیے۔

ایم ایس دھونی کا اثر

ایک سوال کے جواب میں عثمان طارق نے کہا کہ کرکٹ میں دوبارہ واپس آنے کی وجہ ایم ایس دھونی ہیں۔