عمران خان نے آج اپنی اہلیہ بشریٰ بی بی کو آگاہ کیا ہے کہ وہ آنکھ کی صحت کے حوالے سے شدید تشویش میں مبتلا ہیں،ذلفی بخاری

پی ٹی آئی رہنما کی تشویش

اسلام آباد (ڈیلی پاکستان آن لائن) پی ٹی آئی رہنما سید ذلفی بخاری کا کہنا ہے بانی پی ٹی آئی عمران خان نے آج اپنی اہلیہ بشریٰ بی بی کو آگاہ کیا ہے کہ وہ اپنی آنکھ کی صحت کے حوالے سے شدید تشویش میں مبتلا ہیں۔

یہ بھی پڑھیں: امریکی فوج نے ایک ایرانی ڈرون کو مار گرایا

طبی معائنہ کی ضرورت

اپنے ایکس بیان میں ذلفی بخاری نے بتایا کہ موجودہ صورتحال کے پیشِ نظر انہوں نے واضح کیا ہے کہ ان کی اولین اور فوری ترجیح اپنے ذاتی معالجین سے ہنگامی بنیادوں پر معائنہ کروانا ہے۔ اس سلسلے میں انہوں نے مطالبہ کیا ہے کہ ان کے پرسنل ڈاکٹرز، ڈاکٹر فیصل سلطان اور ڈاکٹر عاصم حسین کے ساتھ فوری طور پر ایمرجنسی میٹنگ کا انتظام کیا جائے تاکہ ان کی آنکھ کا مکمل طبی معائنہ اور ضروری علاج بروقت ممکن بنایا جا سکے۔

یہ بھی پڑھیں: پاکستان کا موجودہ نظام بہت کمزور ہے، فیصلہ سازی پر کسی کا اختیار نہیں، عدلیہ کی جگہ پیپر کورٹ نے لے لی ہے، فواد چودھری

انسانی بنیادوں پر اپیل

انہوں نے کہا ہم اس معاملے کو خالصتاً انسانی اور طبی بنیادوں پر دیکھنے کی اپیل کرتے ہیں۔ صحت ہر فرد کا بنیادی حق ہے، اور اس معاملے میں سیاست کو بالائے طاق رکھتے ہوئے صرف ایک مریض کی جائز اور فوری طبی ضرورت کو مدنظر رکھا جانا چاہیے۔

ذلفی بخاری کا ٹویٹر بیان

???? URGENT HEALTH APPEAL ????
Imran Khan has told his wife Bushra Bibi today that he remains deeply concerned about his eye.
His first and only priority is an immediate emergency meeting with his PERSONAL DOCTORS :
Dr Faisal Sultan and Dr Asim.
Let’s put politics aside for a moment…

— Sayed Z Bukhari (@sayedzbukhari) February 17, 2026