کوئٹہ؛ ڈی ایس پی کے گھر کے قریب زوردار دھماکا

دھماکہ کوئٹہ کے علاقے ڈھاڈر میں

کوئٹہ(ڈیلی پاکستان آن لائن) بلوچستان کے علاقے ڈھاڈر میں ایک زور دار دھماکے نے علاقے میں خوف و ہراس پھیلا دیا۔ پولیس ذرائع کے مطابق دھماکا ڈی ایس پی علی اکبر مگسی کے گھر کے قریب ہوا۔

یہ بھی پڑھیں: ستاروں کی روشنی میں آپ کا آج (جمعرات) کا دن کیسا رہے گا ؟

فوری کارروائی

نجی ٹی وی چینل ایکسپریس نیوز کے مطابق واقعے کے فوری بعد سیکیورٹی فورسز اور پولیس کی بھاری نفری موقع پر پہنچ گئی اور علاقے کو گھیرے میں لے کر شواہد اکٹھے کرنا شروع کر دیئے۔

یہ بھی پڑھیں: پاکستان میں 2 دہائیوں بعد سمندر میں تیل و گیس کی تلاش کی کامیاب بولیاں لگ گئیں

تحقیقات کا آغاز

پولیس حکام کا کہنا ہے کہ خوش قسمتی سے دھماکے میں کسی جانی نقصان کی اطلاع نہیں ملی، تاہم واقعے کی نوعیت اور محرکات جاننے کے لیے تحقیقات جاری ہیں۔

سرچ آپریشن اور بم ڈسپوزل سکواڈ

حکام نے مزید بتایا کہ جائے وقوعہ کو سیل کر کے سرچ آپریشن کیا جا رہا ہے جبکہ بم ڈسپوزل سکواڈ بھی طلب کر لیا گیا ہے تاکہ دھماکے کی نوعیت کا تعین کیا جا سکے۔