راولپنڈی میں پولیس تشدد سے دلبرداشتہ شخص پرُاسرار طور پر جھلس گیا، پولیس والے زخمی شخص کو ہسپتال چھوڑ کر فرار ہو گئے۔

راولپنڈی میں پولیس تشدد کا واقعہ

راولپنڈی (ڈیلی پاکستان آن لائن) پولیس تشدد سے دل برداشتہ شخص پراسرار طور پر جھلس گیا، جسے اہل کار مبینہ طور پر اسپتال چھوڑ کر غائب ہو گئے۔

یہ بھی پڑھیں: فیصل آباد میں خاتون کے اغوا کا مقدمہ لیکن دراصل وہ کہاں تھی؟ یقین کرنا مشکل

واقعے کی تفصیلات

نجی ٹی وی ایکسپریس نیوز کے مطابق راولپنڈی کے تھانہ ایئرپورٹ کی پولیس چوکی حمیداں پر انسانیت سوز واقعہ پیش آیا، جہاں مبینہ طور پر پولیس تشدد و بدسلوکی سے دل برداشتہ شخص پراسرار طور آگ سے جھلس گیا۔ شدید زخمی شخص کو پولیس اہلکار پمز اسپتال چھوڑ کر غائب ہوگئے۔ متاثرہ شخص کے بھائی نے پولیس ایمرجنسی ون فائیو پر کال کردی۔

یہ بھی پڑھیں: جیولن تھرورز کی عالمی رینکنگ جاری، ارشد ندیم چوتھے نمبر پر

مکمل کہانی

اطلاعات کے مطابق ترنول کے رہائشی محمد عامر نے ون فائیو پر بتایاکہ 45 سالہ بھائی امجد محمود جو کہ ایک پراپرٹی ڈیلر ہے، اسے سب انسپکٹر نعیم احمد تھانہ ایئرپورٹ کی چوکی حمیداں لے کر گیا۔ پولیس آفیسر نے کسی قسم کی وجہ نہیں بتائی اور بھائی کو پولیس عملے نے تشدد کا نشانہ بنایا۔ جس دوران بھائی نے موٹر سائیکل سے پیٹرول نکال کر خود پر چھڑک لیا اور خود کو آگ لگا لی۔

بعدازاں کی صورت حال

بعد ازاں نامعلوم پولیس آفیسر بھائی کو، جو کہ جلی ہوئی حالت میں تھا، پمز اسپتال چھوڑ گیا۔ دوسری جانب پولیس کا کہنا ہے کہ واقعہ ہوا ہے، فریقین کو دریافت کے لیے طلب کیا گیا تھا، جہاں مذکورہ شخص نے مبینہ خودکشی کی کوشش کی۔ تھانہ ائیرپورٹ کے ایس ایچ او ابراہیم بلوچ رابطے پر میسر نہ ہوسکے۔