تمام اضلاع میں سڑکیں کھول دی گئی ہیں، کے پی حکومت کی رپورٹ پشاور ہائیکورٹ میں پیش
پشاور ہائیکورٹ کا حکم
پشاور(ڈیلی پاکستان آن لائن)خیبر پختونخوا حکومت نے پشاور ہائیکورٹ کے حکم پر بند سڑکیں کھولنے سے متعلق رپورٹ عدالت میں جمع کرا دی۔
یہ بھی پڑھیں: کم تعداد لیکن زیادہ اثر: کینیڈا میں خالصتان حامیوں کی سیاسی طاقت کیا ہے؟
عدالت میں سماعت
نجی ٹی وی چینل جیو نیوز کے مطابق سڑکوں کی بندش کے خلاف درخواست پر سماعت پشاور ہائیکورٹ میں ہوئی جس دوران ایڈیشنل اٹارنی جنرل، ایڈووکیٹ جنرل اور پولیس حکام عدالت میں پیش ہوئے۔
یہ بھی پڑھیں: توشہ خانہ ٹو کی کل اڈیالہ جیل میں سماعت ہوگی
سڑکیں کھولنے کی رپورٹ
صوبائی حکومت نے سڑکیں کھولنے سے متعلق رپورٹ عدالت میں پیش کی جبکہ ایڈووکیٹ جنرل پختونخوا نے بتایا کہ ہائیکورٹ کے حکم پر آئی جی نے سڑکیں کھولنے کیلئے احکامات جاری کیے، پولیس کو حکم دیا کہ قانون کی خلاف ورزی پر کارروائی کی جائے۔
یہ بھی پڑھیں: پاک-افغان بارڈر سے منسلک قبائل نے خارجی دہشت گردوں کے خلاف بڑا فیصلہ کرلیا
ایڈووکیٹ جنرل کا مؤقف
ایڈووکیٹ جنرل نے پشاور ہائیکورٹ میں مؤقف اختیار کیا کہ اب تمام اضلاع میں سڑکیں کھول دی گئی ہیں۔
یہ بھی پڑھیں: جینڈر ٹیسٹ کے خوف کی وجہ سے باکسر ایمان خلیف نے باکسنگ ایونٹ چھوڑ دیا
درخواست گزار کا اعتراض
دوسری جانب وکیل درخواست گزار کا کہنا تھا کہ سڑک کی بندش سے ایک خاتون کی جان گئی، اس کا مقدمہ درج کرایا جائے، جس پر عدالت نے کہا ہمارے سامنے ایسی کوئی شکایت نہیں آئی، آ جائے تو احکامات دیں گے۔
یہ بھی پڑھیں: اسلام آباد میں 25 من گدھے کا گوشت برآمد
عدالت کے ریمارکس
جسٹس اعجاز انور نے ریمارکس دیے کہ پشاور میں ٹریفک نظام بہت خراب ہے، کبھی وکلا، کبھی تاجر تو کبھی کوئی اور خیبر روڈ بند کرتے ہیں، جس پر ایڈووکیٹ جنرل نے بتایا کہ ٹریفک ماسٹر پلان بن رہا ہے، سیف سٹی پراجیکٹ پر کام جاری ہے۔
یہ بھی پڑھیں: لبنان میں حزب اللہ کے سربراہ نعیم قاسم کا قوم کے نام خط سامنے آ گیا
قانون کی عملداری
فاضل جج کا کہنا تھا کہ ٹریفک قوانین کی خلاف ورزی پر سزائیں دیں تب لوگ قانون پر عمل درآمد کریں گے۔
درخواست کا فیصلہ
پشاور ہائیکورٹ نے رپورٹ جمع ہونے پر سڑکوں کی بندش سے متعلق درخواست نمٹا دی.
